धक्कादायक! पुण्यात तीन वर्षाच्या चिमुरडीवर बलात्कार

सामना ऑनलाईन । पुणे

पुण्यात एका तीन वर्षाच्या चिमुरडीवर 21 वर्षाच्या तरुणाने बलात्कार केल्याची धक्कादायक घटना उघडकीस आली आहे. त्या नराधमाने बलात्कारानंतर त्या चिमुरडीचे नाकावर जोरदार ठोसे लगावलत तिला जखमी केले आहे. या प्रकरणी पोलिसांनी त्या तरुणाला अटक केली आहे.

पाषाण सोमेश्वरवाडी येथे ही घटना घडली आहे. अटकेतील आरोपी तरुणाने चिमुकलीला कुरकुरे देण्याचे आमिष दाखवून निर्जन स्थळी नेले. तिथेच तिच्यावर बलात्कार केला. त्यानंतर त्याने तिच्या नाकावर बुक्क्यांचे ठोसे लगावले. या घटनेमुळे एकच खळबळ उडाली आहे. या प्रकरणाचा तपास सुरू आहे.

गेल्या काही दिवसांत पुण्यात लहान मुलींवरील बलात्काराचे प्रमाण वाढले आहे. चार दिवसांपूर्वी हिंजवडीजवळील कासारसाई येथे दोन अल्पवयीन मुलींवर बलात्कार करण्यात आला होता. या दोन्ही मुली ऊसतोड कामगारांच्या मुली होत्या. त्यांना चॉकलेटचे आमीष दाखवून गणेश निकम आणि त्याच्या अल्पवयीन मित्राने त्यांच्यावर बलात्कार केला होता.