आयसीआयसीआय बँकेच्या प्रमुख चंदा कोचर यांची उचलबांगडी

सामना ऑनलाईन । नवी दिल्ली

व्हिडिओकॉन या कंपनीला कर्जे दिल्याच्या प्रकरणावरून वादात अडकलेल्या आयसीआयसीआय बँकेच्या व्यवस्थापकीय संचालक आणि मुख्य कार्यकारी अधिकारी चंदा कोचर यांना अखेर नारळ देण्यात आला आहे. कोचर यांच्या जागी संदीप बक्षी हे बँकेचे नवे पूर्णवेळ संचालक असणार आहेत. आयसीआयसीआय बँकेच्या संचालक मंडळाने बक्षी यांच्या नावावर मोहोर उमटवली आहे.

बँकेच्या माजी संचालक चंदा कोचर या सुट्टीवर गेल्या असून त्यांची चौकशी पूर्ण होईपर्यंत त्या सुट्टीवरच असणार आहेत. एएनआयने या वृत्तसंस्थेनेबाबत वृत्त दिले आहे.

पीएनबी घोटाळ्या प्रकरणी पाठवली होती समन्स
यापूर्वी पीएनबी महाघोटाळ्याप्रकरणी सीरिअस फ्रॉड इन्विस्टिगेशन ऑफिस (एसएफआयओ)ने आयसीआयसीआयच्या प्रमुख चंदा कोचर यांना नोटीस पाठवली होती.