हुंड्यात मिळाला होम थिएटर, चालू करताच स्फोट होऊन घराला लागली आग, नवरा आणि भावाचा मृत्यू

छत्तीसगढमधील कबीरधाम जिल्ह्यात एका तरुणाला सासरच्या मंडळींकडून होम थिएटर भेटवस्तू स्वरुपात मिळाला. तो घरी आणल्यावर सुरू करताच त्याचा स्फोट होऊन घराला आग लागली. या दुर्घटनेमुळे नवरा आणि भावाचा मृत्यू होऊन घराला आग लागली याशिवाय 1 लहान मुलगा आणि इतर 4 जण जखमी झाले आहेत.

या घटनेबाबत कबीरधाम जिल्ह्याचे पोलीस अधिकारी मनीषा ठाकूर यांनी दिलेली माहिती अशी की, ही घटना रेंगाखार पोलीस ठाण्याच्या हद्दीतील चामरी गावात घडली. यावेळी नवरा सोमवारी होम थिएटरमध्ये झालेल्या स्फोटात नवरा हेमेंद्र मेरावी आणि त्याचा मोठा भाऊ राजकुमार यांचा मृत्यू झाला. नवरा हेमेंद्रला लग्नात आहेर म्हणून होम थिएटर देण्यात आला होता. तो घरी आणल्यानंतर सुरू करताच स्फोट होऊन घराला आग लागली. यामध्ये स्फोटके ठेवण्यात आली असल्याची शंका पोलिसांनी व्यक्त केली आहे.

होम थिएटरमुळे झालेल्या स्फोटामुळे ज्या खोलीत होम थिएटर ठेवण्यात आला होता त्या खोलीतील भिंती आणि छत कोसळले. या घटनेबाबत पोलिसांना मिळालेल्या माहितीनुसार मनीष अधिकारी ठाकूर म्हणाले की, हेमेंद्र मेरावीचे लग्न 30 मार्चला जवळ झलमळा पोलीस स्थानकाच्या हद्दीतील अंजना गावातील मुलीशी झाले होते. विवाह सोहळ्यानंतर दुसऱ्या दिवशी वधू सासरहून माहेरी गेली. त्यानंतर नवरा हेमेंद्र घरातील इतर सदस्यांसोबत एका खोलीत बसून विवाहाच्या वेळी दिलेल्या भेटवस्तू उघडत होते. त्यावेळी जेव्हा त्यांनी होम थिएटर सुरू केला त्याक्षणी घरात स्फोट झाला. यामध्ये हेमेंद्र आणि त्याच्या भावाचा मृत्यू झाला. घरातील दीड वर्षाचे बाळ आणि इतर 5 जण जखमी झाले. यामध्ये जखमी झालेल्यांना जिल्हा मुख्यालयातील रुग्णालयात दाखल करण्यात आले. त्यावेळी उपचारादरम्यान नवऱ्याचा भाऊ राजकुमार याचा मृत्यू झाला.

कबीरधाम जिल्ह्याचे एसपी लाल उमेद सिंह यांनी सांगितले की, दुर्ग आणि रायपूर जिल्ह्यांतील फॉरेन्सिक पथकांना या तपासाकरिता बोलवण्यात आले आहे. त्यांनी दिलेली माहिती अशी की, होम थिएटरमध्ये स्फोटके ठेवण्यात आली होती. हे होम थिएटरवर एका प्रसिद्ध ब्रँडचे नाव छापण्यात आले होते, पण तो मूळ ब्रँड नसून त्याची प्रत असल्याची भीती व्यक्त केली जात आहे. होम थिएटर कोणी दिले आणि ते कुठून विकत घेतले याचा शोध सुरू आहे.

या घटनेबाबत रेंगाखार पोलीस स्थानकाचे अधिकारी दुर्गेश रावते यांनी सांगितले की, खोलीच्या तपासणीदरम्यान एलपीजी गॅस सिलिंडरसारखे कोणतेही ज्वलनशील पदार्थ आढळले नाहीत. ज्यामुळे स्फोट झाला असावा. रावते म्हणाले की, खोलीतील होम थिएटर हे स्फोट होण्याचे एकमेव कारण आहे.