जागृत कालिमाता मंदिर

कल्याणपासून सहा किलोमीटर अंतरावर मुरबाड रोडवर पाचवा मैल (कांबा) येथे कालिमातेचे जागृत देवस्थान आहे. ही देवी नवसाला पावते, असे येथील ग्रामस्थ मानतात. कारण याची प्रचीती भक्त नेहमीच अनुभवत असतात.

कालीमातेची मूर्ती चतुर्भुज आहे. मूर्तीचे स्वरूप खूप अप्रतिम असून भव्य आहे. ग्रामस्थांनी इच्छाशक्तीच्या बळावर हे मंदिर बांधले आहे. डोंगरामध्ये वसलेल्या या मंदिराच्या शेजारी नदी  आहे. नदीकाठावर या मंदिराच्या शेजारी सिद्धेश्वराचे मंदिर आहे. येथील परिसर नयनरम्य आहे.

ही देवी नवसाला पावणारी आणि भक्ताची इच्छा पूर्ण करणारी आहे, याचा अनुभव भक्त पदोपदी घेत असतात. म्हणून ते देवीला संकाटाच्या वेळी साकडही घालतात. गावातील जागृत सिद्धेश्वर मंदिर आणि कालीमाता मंदिरामुळे मुरबाड गावाची शोभा वाढली आहे.