ऑनलाइन शॉपिंग पोर्टलवर सेलचा धुमाकूळ

सणांचा काळ आला की देशात सगळय़ाच ऑनलाइन शॉपिंग पोर्टलवर सेलचा धुमाकूळ चालू होतो. विविध आकर्षक योजना चालू करणे आणि जास्तीत जास्त ग्राहकांना आपल्याकडे ओढणे हेच प्रत्येकाचे ध्येय असते. यासाठी अनेक कल्पक योजना सादर केल्या जातात. ऍमॅझॉनने एक अशीच धमाकेदार योजना सादर केली आहे, ती म्हणजे ‘खरेदी आज करा आणि पैसे पुढच्या वर्षी द्या.’ अर्थात, आज खरेदी केलेल्या वस्तूंचे पैसे २०१८ मधील जानेवारीत भरायची आकर्षक ऑफर ऍमॅझॉनतर्फे देण्यात आली आहे. मात्र ही ऑफर फक्त एचडीएफसी बँकेचे क्रेडिट कार्ड वापरणाऱया ग्राहकांनाच लागू असेल. मात्र या जोडीला इतर सर्वच ग्राहकांसाठी शून्य टक्के व्याजाने ईएमआयची ऑफरदेखील ऍमॅझॉनने आणलेली आहे. एचडीएफसीचे डेबिट कार्ड वापरणारे ग्राहक दहा टक्के अतिरिक्त डिस्काऊंटदेखील मिळवू शकणार आहेत.