लोकसभा निवडणुकांची घोषणा कोणत्याही क्षणी होऊ शकते. अशातच केंद्राने पेट्रोल आणि डिझेलच्या किमती 2 रुपयाने कमी केल्या आहेत. केंद्रीय पेट्रोलियम आणि नैसर्गिक वायू मंत्री हरदीप सिंग पुरी यांनी X वरून त्याची माहिती दिली आहे. लोकसभा निवडणुकीच्या काही आठवड्यांपूर्वी ही घोषणा करण्यात आली आहे. सुधारित किंमत 15 मार्च, सकाळी 6 वाजल्यापासून लागू होईल.
‘पेट्रोल आणि डिझेलच्या किमती ₹ 2 ने कमी करून, पंतप्रधान मोदींनी पुन्हा एकदा सिद्ध केले आहे की कोट्यवधी हिंदुस्थानींच्या कुटुंबाचे कल्याण आणि सुविधा हे त्यांचं कायमच ध्येय राहिलं आहे’, असं हरदीप सिंग पुरी यांनी म्हटलं आहे.
‘रुपयाच्या दरानुसार 14 मार्च 2024 रोजी हिंदुस्थानात पेट्रोल सरासरी ₹ 94 प्रति लिटर आहे. परंतु इटलीमध्ये ₹ 168.01 म्हणजे 79% अधिक फ्रान्समध्ये ₹ 166.87 म्हणजे 78% अधिक; जर्मनीमध्ये ₹ 159.57% आणि अधिक स्पेनमध्ये ₹ 145.13 म्हणजेच 54% अधिक अशी तुलना देखील त्यांनी केली आहे’, असं ते पुढे म्हणाले.
पेट्रोल और डीज़ल के दाम ₹2 रुपये कम करके देश के यशस्वी प्रधानमंत्री श्री @narendramodi जी ने एक बार फिर साबित कर दिया कि करोड़ों भारतीयों के अपने परिवार का हित और सुविधा सदैव उनका लक्ष्य है।
वसुधा का नेता कौन हुआ?
भूखण्ड-विजेता कौन हुआ?
अतुलित यश क्रेता कौन हुआ?
नव-धर्म… https://t.co/WFqoTFnntd pic.twitter.com/vOh9QcY26C— Hardeep Singh Puri (मोदी का परिवार) (@HardeepSPuri) March 14, 2024
दरम्यान, जानेवारीमध्ये केंद्रीय मंत्री हरदीप पुरी यांनी सांगितलं होतं की, नजीकच्या भविष्यात इंधनाच्या किमती कमी केल्या जाणार नाहीत कारण क्रूडच्या दरात अस्थिरता आहे.
‘देशात इंधनाचा पुरवठा स्थिर राहिला, स्वस्त दरात राहिला आणि आमची पावलेही हरित ऊर्जेकडे वाटचाल करत राहिली. म्हणजेच हिंदुस्थानने उर्जेची उपलब्धता, योग्य दर आणि टिकाऊपणा राखला’, असे मंत्रालयाने म्हटले आहे.
पेट्रोल आणि डिझेलच्या किमती कमी केल्याने ग्राहकांच्या खिशावरील ताण कमी होईल आणि डिझेलवर चालणारी 58 लाख अवजड वाहने, 6 कोटी कार आणि 27 कोटी दुचाकींचा खर्च कमी होईल, असंही पेट्रोलियम मंत्रालयानं म्हटलं आहे.
नवीन दर
पेट्रोल आणि डिझेलच्या दरात होणारी कपात प्रत्येक शहरात वेगवेगळी असेल. पेट्रोलियम मंत्रालयानं दिल्लीत सांगितलं की सध्या डिझेलची किंमत ₹ 89.62/L आहे आता त्याची किंमत ₹ 87.62/L असेल. दरम्यान, दिल्लीत पेट्रोलची प्रति लिटर किंमत ₹ 96.72 आहे आणि आता ती ₹ 94.72 वर कमी केली जाईल.
देशाची आर्थिक राजधानी, मुंबई, जिथे व्हॅट आणि इतर करांमुळे इंधन दिल्लीच्या तुलनेत अधिक महाग होते, मंत्रालयानं किंमत ₹ 2.10/L ने कमी केली आहे. मुंबईतील पेट्रोलची सध्याची किंमत रु. 106.31/ली आहे आता ती किंमत रु. 104.21/ली असेल. मुंबईत डिझेलची प्रति लिटर किंमत ₹ 94.27 आहे ती किंमत आता ₹ 92.15/L असेल.
कोलकातामध्ये पेट्रोलचे दर ₹ 2.09/L ने कमी झाले आहेत. दरम्यान, चेन्नईमध्ये ही कपात ₹ 1.88/लिटर असेल.
