टीम इंडियात वादाची ठिणगी, रोहितने विराटला केले अनफॉलो

सामना ऑनलाईन । मुंबई

टीम इंडियातील अंतर्गत वाद काही चाहत्यांसाठी नवे नाहीत. काही दिवसांपूर्वी प्रशिक्षक अनिल कुंबळे आणि कर्णधार विराट कोहली यांच्यातील वाद चव्हाट्यावर आले होते. आता पुन्हा एकदा टीम इंडियात वादाची ठिणगी पडल्याची चर्चा आहे. हिंदुस्थानच्या टीममधले दोन धडाकेबाज फलंदाज विराट कोहली आणि रोहीत शर्मा यांच्यात विस्तव जात असल्याचे बोलले जात आहे. रोहीत शर्माने विराट कोहलीला सोशल मीडीयावरून अनफॉलो केल्याचे समजतेय. ट्विटरवरून नेटकऱ्यांमध्ये देखील यावरून चर्चा सुरू झाली आहे.

कसोटी क्रमवारीमध्ये विराट कोहली नंबर वन

रोहित आणि विराटचे  ऑफ व ऑन फिल्ड कायमच एकमेकांसोबत चांगले संबंध होते. या दोघांना एकत्र खेळताना बघणे म्हणजे त्यांच्या चाहत्यांसाठी पर्वणीच असायची. काही दिवसांपूर्वी इंग्लंडसोबत झालेल्या कसोटी सामन्याच्यावेळी रोहितने तो टिम इंडियासाठी ओपनिंग करण्यासाठी इच्छुक असल्याचे सांगितले होते. मात्र तरिही त्याला सहाव्या क्रमांकावर बॅटींगसाठी पाठविण्यात आले. ती कसोटी हिंदुस्थान हरला त्यामुळे रोहित नाराज होता. त्यामुळेच त्याने कोहलीला अनफॉलो केल्याचे बोलले जात आहे.