रेस्टॉरंट काढलय की विद्यापीठ चालवताय?, आदित्य ठाकरेंचा पुणे विद्यापीठाला सवाल

सामना ऑनलाईन । मुंबई

‘रेस्टॉरंट काढलय की विद्यापीठ चालवताय? कोणी काय खावं, हे कोणी का ठरवावं? शाकाहारी आणि सुवर्ण पदक याचा काय संबंध? असले फर्मान काढणारे कोण आहेत, त्यांनाच सुवर्ण पदक देऊन पदमुक्त करा.’ अशा शब्दात युवासेना प्रमुख आदित्य ठाकरे यांनी पुणे विद्यापीठाला जाब विचारला आहे.

शाकाहारी आणि निर्व्यसनी विद्यार्थ्यालाच पुणे विद्यापीठाचे ‘योगमहर्षी राष्ट्रीय किर्तनकार रामचंद्र गोपाळ शेलार उर्फ शेलारमामा सुवर्णपदक’ दिले जाणार आहे. विद्यापीठाच्या संकेतस्थळावर प्रसिद्ध केलेल्या पत्रकात ही अजब अट घालण्यात आली आहे. या अटीवर प्रतिक्रिया देताना आदित्य ठाकरे यांनी विद्यापीठ प्रशासनाला जळजळीत सवाल केला आहे.

विद्यापीठाने आपले फर्मान मागे घ्यावे. अभ्यास, पटपडताळणी या कामात लक्ष घालावे, असे आदित्य ठाकरे यांनी सांगितले. कोणी काय खावं ह्या पेक्षा, त्यांना अभ्यासानंतर नोकरी, रोजी रोटी कशी मिळेल, ह्यात लक्ष द्या, असेही युवासेना प्रमुख आदित्य ठाकरे म्हणाले.

tweets

  • D.P.Godbole,

    पारितोषिक “योग महर्षी राष्ट्रीय कीर्तनकार शेलार” ह्यांचे नावाने दिले जाणार आहे,ते कोणत्या अभ्यासक्रमासाठी ह्याचा उल्लेख बातमीत नाही योगाभ्यास करणारा आणि कीर्तनकार असणारा येथील परंपरेनुसार शाकाहारी असू शकतो आणि पारितोषिक ज्यांनी पुरस्कृत केले आहे त्यांची देखील अशी विनंती असू शकते ह्या बाबी अशी “जळजळीत”प्रतिक्रिया देण्यापूर्वी विचारात घेतल्या होत्या का ?

  • mahendrapadalkar

    आदित्य ने पैसे द्यावे व पुरस्कार जाहीर करावा .
    उगाच मत देऊ नये

  • mahendrapadalkar

    शिव उद्योग बंद पडला का.
    तुम्ही किती लोकांना रोजगार दिले.