आपले ‘गुण’ बघूनच कॉलेज निवडा!

सामना प्रतिनिधी । मुंबई

दहावीचा निकाल या वर्षी 0.82 टक्क्यांनी घसरला असला तरी उत्तीर्ण होणाऱया विद्यार्थ्यांची संख्या मात्र हजारोंनी वाढली आहे. यातच प्रवेशाच्या शर्यतीत पुनर्परीक्षार्थी विद्यार्थ्यांचीही भर पडणार आहे. त्यामुळे कमी गुण असूनही ऑनलाइन अर्ज करताना ‘नामांकित’ महाविद्यालयांनाच प्राधान्यक्रम देणाऱया विद्यार्थ्यांना शिक्षण उपसंचालक कार्यालयाने निर्वाणीचा इशारा दिला आहे. ‘कटऑफ’मध्ये नाव आल्यानंतर गोंधळ करण्यापेक्षा ऑनलाइन अर्ज करताना आपल्याला मिळालेले ‘गुण’ पाहूनच कॉलेज निवडा असे आवाहन करण्यात आले आहे.

 

नियमित विद्यार्थ्यांबरोबच एटीकेटी, सीबीएसई, आयसीएसई व इतर बोर्डाचे विद्यार्थी मुंबईतील नामांकित महाविद्यालयांमधील प्रवेशाच्या शर्यतीत.

गेल्या वर्षी परीक्षा दिलेल्या 3 लाख 23 हजार 955 विद्यार्थ्यांपैकी 2 लाख 97 हजार 718 विद्यार्थी उत्तीर्ण झाले होते.

या वर्षी 3 लाख 42 हजार 973 विद्यार्थ्यांपैकी 3 लाख 8 हजार 996 विद्यार्थी उत्तीर्ण झाले आहेत.

18 हजार 160 रिपिटर्स विद्यार्थ्यांची भर पडली आहे.

आज अकरावी प्रकेशाचे केळापत्रक

दहावीच्या निकालानंतर आता सर्वांचे लक्ष अकराकी प्रवेश प्रक्रियेच्या वेळापत्रकावर लागले आहे. त्यानुसार बुधवारी या प्रवेशाचे वेळापत्रक जाहीर करण्यात येईल, अशी माहिती शिक्षण उपसंचालक बी. बी. चव्हाण यांनी दिली.

मुंबईतील उत्तीर्ण विद्यार्थ्यांची संख्या

3,08,996

 मुंबईत उपलब्ध असणाऱया जागा

2,90,000

 

विभागवार टक्केवारी

कोकण         96.18

कोल्हापूर      93.59

पुणे             91.95

मुंबई            90.09

संभाजीनगर 88.15

नाशिक        87.76

लातूर          85.22

अमरावती     84.35

नागपूर         83.35