भविष्य – रविवार ५ ते शनिवार ११ ऑगस्ट २०१८

>> नीलिमा प्रधान

मेष – प्रकृतीची काळजी घ्या
शुक्र-हर्षल षडाष्टक योग, चंद्र-मंगळ प्रतियुती होत आहे. तुमच्या उत्साहावर व महत्त्वाकांक्षेवर जवळची व्यक्ती आक्षेप घेण्याची शक्यता आहे. कौटुंबिक तणाव राहील. व्यवसायात वाटाघाटी फिसकटण्याची शक्यता आहे. कोणतीही परिस्थिती सावरण्याचे सामर्थ्य तुमच्याकडे असेल. प्रकृतीची काळजी घ्या. शुभ दिनांक – ७,८

वृषभ – जिद्द ठेवा
शुक्र-मंगळ त्रिकोण योग, सूर्य-बुध युती होत आहे. व्यवसायातील नियमितपणा तुम्हाला फायदा करून देईल. नोकरीत स्पर्धा करण्यापेक्षा पद टिकवण्याचा प्रयत्न करा. राजकीय – सामाजिक क्षेत्रात विरोधकांना कमी न लेखता कार्यतत्परता दाखवावी. नुसते प्रलोभन तुम्हाला यश देऊ शकणार नाही. जिद्द ठेवा. शुभ दिनांक – ८,९

मिथुन – खरेदी-विक्रीत लाभ
चंद्र-बुध लाभ योग, चंद्र-मंगळ प्रतियुती होत आहे. राजकीय-सामाजिक क्षेत्रात प्रतिष्ठेसाठी केलेले प्रयत्न फार महत्त्वाचे ठरतील. सोमवार, मंगळवारी सावध रहा. योग्य ठिकाणी पैशांची गुंतवणूक करून ठेवा. खरेदी विक्रीत लाभ मिळेल. मुलांच्या उन्नतीसाठी निर्णय घ्याल. शुभकार्याचा विचार होईल. शुभ दिनांक – ९,१०

कर्क – कायद्यात रहा
सूर्य-बुध युती, शुक्र-शनी केंद्र योग होत आहे. व्यवसायाला कलाटणी देण्याची संधी मिळेल. कायद्यात रहा. राजकीय-सामाजिक क्षेत्रात वर्चस्व वाढतच जाईल. छोटय़ा चुका करून स्वतःचे महत्त्व कमी करू नका. बुधवार, गुरुवारी गुप्त कारवायांचा त्रास होईल. अधिकार मिळू शकेल. कोर्ट केसमध्ये मार्ग शोधता येईल. शुभ दिनांक – ५, ६

सिंह – महत्त्वाचा निर्णय घेता येईल
बुध-नेपच्यून षडाष्टक योग, चंद्र-मंगळ प्रतियुती होत आहे. आठवडय़ाच्या सुरुवातीला महत्त्वाचा निर्णय राजकीय, सामाजिक क्षेत्रात घेता येईल. अहंकाराने कोणतेही हित साधता येणार नाही. व्यवसायात सावध रहा. करार करण्यासाठी योग्य व्यक्तीचा सल्ला घ्या. ठरविलेले कार्य पूर्ण करणे एक आव्हान ठरेल. शुभ दिनांक – ५, ६

कन्या- वेळेला महत्त्व द्या
शुक्र-मंगळ त्रिकोण योग, सूर्य-बुध युती होत आहे. क्षेत्र कोणतेही असो, तुमची महत्त्वाची कामे करून घ्या. वेळेला महत्त्व द्या. खंबीरपणाने प्रश्न सोडवता येईल. लोकप्रियता मिळेल. कोर्ट केस संपवता येईल. कला-क्रीडा क्षेत्रात नावीन्यपूर्ण यश मिळेल. परीक्षेत मनासारखे यश मिळेल. कृतीसह विचारांनाही महत्त्व द्या. शुभ दिनांक – ७,८

तूळ- जवळच्या व्यक्तींमध्ये गैरसमज
चंद्र-बुध लाभयोग, शुक्र-मंगळ त्रिकोण योग होत आहे. व्यवसायात मोठी उलाढाल होईल. रेंगाळलेला व्यवहार मार्गी लावता येईल. सोमवार, मंगळवारी जवळच्या व्यक्तींमध्ये गैरसमज होईल. राजकीय, सामाजिक क्षेत्रात महत्त्वाचा निर्णय वरिष्ठ तुमच्यासाठी घेतील. परदेशात नोकरीसाठी जाण्याचा योग येईल. शुभ दिनांक – ५, १०

वृश्चिक- विरोधक हल्लाबोल करतील
चंद्र-बुध लाभ योग, शुक्र-मंगळ त्रिकोण योग होत आहे. कुटुंबातील समस्या सोडवता येईल. वैयक्तिक जीवनात एखादा धाडसी निर्णय घ्यावा लागेल. राजकीय, सामाजिक क्षेत्रात प्रतिष्ठा टिकवता येईल. बुधवार, गुरुवारी विरोधक मोठय़ा प्रमाणात हल्लाबोल करतील. ताणतणाव कमी होईल. शुभ दिनांक – १०, ११

धनु – चौफेर सावध रहा
सूय-प्लुटो षडाष्टक योग, चंद्र-मंगळ प्रतियुती होत आहे. मानसिक, शारीरिक दडपण येईल. मन अस्थिर झाल्याने नोकरीच्या कामात चूक होऊ शकते. धंद्यात अंदाज बरोबर येणार नाही. नवीनच ओळख झालेल्या व्यक्तीवर एकदम विश्वास ठेवू नका. कोर्टाच्या कामात दगाफटका संभवतो. चौफेर सावध रहा. शुभ दिनांक – ८, ९

मकर – वरिष्ठ खूश होतील
शुक्र-मंगळ त्रिकोण योग, सूर्य-बुध युती होत आहे. क्षेत्र कोणतेही असो, महत्त्वाचे काम, महत्त्वाची चर्चा याच आठवडय़ात करा. राजकीय, सामाजिक कार्याला चांगला प्रतिसाद मिळेल. वर्चस्व वाढेल. योजनांना गती मिळेल. नोकरीत बदल करता येईल. वरिष्ठ खूश होतील. विस्कटलेली घडी नीट करता येईल. शेअर्सचा अंदाज बरोबर येईल. शुभ दिनांक – ६, ७

कुंभ – उतावीळपणे निर्णय नको
सूर्य-नेपच्यून षडाष्टक योग, चंद्र-गुरू त्रिकोण योग होत आहे. या आठवडय़ात तुमच्या क्षेत्रात अडचणी वाढण्याची शक्यता अधिक आहे. धंद्यात उतावीळपणाने कोणताही निर्णय घेऊ नका. फसगत होईल. राजकीय, सामाजिक कार्यात तुमच्यावर भलतेच आरोप होऊ शकतात. प्रवासात सावध रहा. वाहनांपासून त्रास होईल. शुभ दिनांक – ८,९

मीन – लोकप्रियता वाढेल
चंद्र-मंगळ त्रिकोण योग, सूर्य-बुध युती होत आहे. व्यवसायात व्यस्त राहाल. मोठे कंत्राट मिळेल. पैसे वसूल करा. नोकरीचा प्रयत्न यशस्वी होईल. लोकप्रियता मिळेल. कोर्ट केसमध्ये आशादायक परिस्थिती असेल. कुटुंबातील समस्या सोडवता येतील. मोठी खरेदी होई&ल. परदेशगमनाचा योग येईल. शुभ दिनांक – ६,७