गुंतवणुकीच्या आमिषाने एका उच्चशिक्षित आणि नामांकित कंपनीत काम करणाऱया व्यक्तीची 36 लाख 65 हजारांची फसवणूक करण्यात आली. अशाचप्रकारे 200 जणांची तब्बल 300 कोटींची फसवणूक झाल्याचे आर्थिक गुन्हे शाखेने केलेल्या चौकशीत उघडकीस आले असून ‘अष्टविनायक इन्व्हेस्टमेंट’ या पंपनीच्या मालकावर बंडगार्डन पोलीस ठाण्यात गुन्हा दाखल करण्यात आला आहे.
सेल्वाकुमार नडार (रा. कोंढवा) असे गुन्हा दाखल झालेल्याचे नाव आहे. तो फरार आहे. याबाबत सचिन पुरुषोत्तम पवार (वय 38, रा. वाघोली) यांनी फिर्याद दिली आहे. हा प्रकार ऑगस्ट 2020 ते नोव्हेंबर 2022 दरम्यान घडला. नडार याचे पॅम्प भागात कार्यालय होते. पवार हे हडपसर भागातील एका पंपनीत मॅनेजर आहेत. त्यांनी 2018 मध्ये 9.50 टक्के दराने 6 लाखांचे कार लोन आणि 13 टक्के दराने 6 लाखांचे पर्सनल लोन घेतले होते. त्यांना ‘अष्टविनायक इन्व्हेस्टमेंट’मधील प्रतिनिधीचा फोन आला. ‘6 ते 7 टक्के दराने कर्ज देऊ किंवा तुमचे कर्ज आमच्या माध्यमातून भरू,’ असे सांगितले. ‘आमची कंपनी इक्विटी मार्पेट, कमोडिटी मार्पेटमध्ये गुंतवणूक करीत असून, त्यातून आलेल्या नफ्यातून कर्जदारांना हप्त्या स्वरूपात पैसे देते,’ असे सांगण्यात आले. यावर पवार यांनी विश्वास ठेवला. त्यानुसार कंपनीने ऑगस्ट 2020मध्ये पवार यांच्याकडून आवश्यक त्या कागदपत्रांवर सह्या घेऊन त्यांच्या नावे 6 वेगवेगळ्या बँकांतून 47 लाख 93 हजारांचे पर्सनल लोन मंजूर करून घेतले. यातील 40 लाख 89 हजार रुपये अष्टविनायक इन्व्हेस्टमेंटमध्ये ठेवी स्वरूपात गुंतविले. यानंतर पवार यांच्या नावे कर्ज मंजूर केलेल्या 6 बँक खात्यांतील 3 कर्जखाती बंद करण्यासाठी पुन्हा एका फायनान्स कंपनीकडून 15 लाख रुपये पर्सनल लोन घेतले. सुरुवातीला काही महिने इन्व्हेस्टमेंटकडून त्यांच्या कर्जाचे हप्ते भरण्यात आले. जानेवारी 2023 पासून हप्ता भरला नाही. एसआयपीच्या नावाखाली पवार यांनी गुंतवणूक केलेली 2 लाख 80 हजारांची रक्कम परत न देता 36 लाख 65 हजारांची फसवणूक केली. पवार यांच्यासह तक्रार अर्ज प्राप्त झालेल्या आणखी 16 जणांची 7 कोटी 22 लाख 30 हजार रुपयांची फसवणूक केली.
याप्रकरणी आर्थिक गुन्हे शाखेने प्राथमिक तपास केला असता, अशाप्रकारे एकूण 200 जणांची तब्बल 300 कोटींची फसवणूक झाल्याचे प्राथमिक तपासात समोर आले आहे. त्यानुसार आरोपीवर बंडगार्डन पोलीस ठाण्यात गुन्हा दाखल करण्यात आला आहे. आर्थिक गुन्हे शाखेचे सहायक पोलीस निरीक्षक मयूर वैरागकर तपास करीत आहेत.
ज्या व्यक्तींनी कार, होम लोन घेतलेले आहे, अशा व्यक्तींनाच अष्टविनायक इन्व्हेस्टमेंटकडून संपर्क केला जात होता, असे तपासात समोर आले आहे. पवार यांच्यासह इतर 16 जणांची चौकशी केली. यामध्ये एकूण दोनशे जणांची फसवणूक झाल्याचे प्राथमिक तपासात दिसून येत आहे.
– मयूर वैरागकर, सहायक पोलीस निरीक्षक, आर्थिक गुन्हे शाखा.
