आपण सकाळी अनेकवेळा न्याहारी करण्याचे टाळतो. मात्र, नाश्ता टाळणे धोक्याचे आहे. जर तुम्हाला नाश्ता करायला वेळ नसेल तर काही फळांचा ज्युस घेता येईल. त्यामुळे तुम्ही एकदम फ्रेश राहाल. आपले आरोग्य चांगले राहण्यासाठी सकाळी नाश्ता करणे खूप गरजेचे आहे. सकाळी नाश्त्याला फळेही खाऊ शकता. अशी अनेक फळे आहेत, ज्यांची क्रेझ हिवाळ्यात जास्त असते. माल्टा हे देखील या फळांपैकी एक आहे. हे फळ संत्र्यासारखे असते, पण त्याचे फायदे संत्र्यापेक्षाही जास्त आहेत. या फळाचा रस सकाळी प्यायला तर तुम्ही दिवसभर ताजेतवाने राहता. माल्टा हे फळ संत्र्याप्रमाणे दिसते. हे फळ हिवाळ्यात जास्त खाल्ले जाते. माल्टा दिसायला संत्र्यासारखा असतो. एक प्रकारे हे संत्र्याचे मोठे रुप आहे असे म्हणता येईल. त्याचे गुणधर्म जवळजवळ लिंबाप्रमाणे आहेत. माल्टा हे पोषक तत्वांचे भांडार आहे.माल्टा व्हिटॅमिन सी, बीटा कॅरोटीन आणि फोलेटचा उत्कृष्ट स्रोत आहे. तुम्हाला हवे असल्यास तुम्ही ते सोलून संत्र्यासारखे खाऊ शकता. किंवा त्याचा रस बनवूनही पिऊ शकता. हिवाळ्यात सकाळच्या नाश्त्यामध्ये एक ग्लास माल्टाचा रस तुम्हाला दिवसभर ताजे आणि उत्साही ठेवेल.
वजन कमी करण्यासाठी उपयुक्त
माल्टामध्ये व्हिटॅमिन सी तसेच फायबर भरपूर प्रमाणात असते. आपण ते संपूर्ण किंवा रस पिऊ शकता. या दोन्ही गोष्टी आरोग्यासाठी फायदेशीर आहेत. अशा प्रकारे, आपण जास्त खाणे टाळू शकता.
पचनक्रिया निरोगी राहते
हिवाळ्यात लोकांना अनेकदा पचनाच्या समस्यांना सामोरे जावे लागते. अशा परिस्थितीत तुम्ही तुमच्या आहारात माल्टाचा ज्युस सहभागी करु शकता. यामध्ये फायबर असल्याने बद्धकोष्ठतेच्या समस्येपासून आराम मिळतो. माल्टामुळे अपचन, गॅस आणि अॅसिडिटीची समस्याही दूर होते.
कोलेस्टेरॉल नियंत्रण
तज्ज्ञांचे मत आहे की माल्टा आपल्या शरीरातील खराब कोलेस्ट्रॉलचे प्रमाण कमी करते. तसेच चांगल्या कोलेस्टेरॉलचे प्रमाण वाढवते. याचे दररोज सेवन केल्याने एथेरोस्क्लेरोसिस, हृदयविकाराचा झटका आणि पक्षाघाताची शक्यता बर्‍याच प्रमाणात कमी होऊ शकते.
माल्टा ऊर्जेसाठी खूप महत्वाचे
झटपट ऊर्जेसाठी माल्टा हा एक चांगला पर्याय आहे. यात ग्लुकोज भरपूर प्रमाणात असते. जर तुम्ही सकाळच्या नाश्त्यात माल्टाचा रस प्यायला तर तुमच्या शरीरात दिवसभर उर्जा राहील. याशिवाय यामध्ये अँटिऑक्सिडंट्सही भरपूर असतात. अँटिऑक्सिडंट पेशींचे नुकसान होण्यापासून संरक्षण करतात, ज्यामुळे कर्करोग, वृद्धत्वाचे परिणाम आणि इतर अनेक समस्या टाळतात.
