16 षटकारांसह चोपल्या 162 धावा, अफगाणी फलंदाजाची टी-20 मध्ये धडाकेबाज फलंदाजी

32

सामना ऑनलाईन । देहराडून

आयर्लंड व अफगाणिस्तानमध्ये झालेल्या टी-20 सामन्यात आज अक्षरश: धावांचा पाऊस पडला. अफगाणिस्तानचा सलामीचा फलंदाज हजरतुल्लाहने 16 षटकार व 11 चौकार ठोकत चक्क 62 चेंडूत 162 धावा केल्या. हजरतुल्लाहच्या या धडाकेबाज फलंदाजीमुळे अफगाणिस्तानने 20 षटकात 278 धावा केल्या. अफगाणिस्तानचा धावांचा डोंगर गाठताना आयर्लंडची दमछाक झाली व त्यांचा 84 धावांनी पराभव झाला.

प्रथम फलंदाजीचा निर्णय घेतलेल्या अफगाणिस्तानला दोन्ही सलामीवीर उस्मान घनी व हजरतुल्लाह जजईने चांगली सुरुवात करून दिली. हजरतुल्लाह तब्बल 292 च्या स्ट्राईक रेटने 62 चेंडूत 162 धावा करत नाबाद राहिला. त्याने अॅरोन फिंच (156) व ग्लेन मॅक्सवेल(145) यांना मागे टाकत एकाच सामन्यात सर्वाधिक धावा करणाऱ्या फलंदाजांच्या यादीत दुसरे स्थान पटकावले. मात्र तो अॅरोन फिंच (175) याचा सर्वाधिक धावा करण्याचा रेकॉर्ड तोडू शकला नाही.

आपली प्रतिक्रिया द्या