काँग्रेस नेते नवज्योतसिंग सिद्धू यांनी मंगळवारी ऋषिकेशच्या त्यांच्या कौटुंबिक सहलीचे फोटो ट्विटरवर शेअर केले. गंगा दशहराच्या निमित्ताने सिद्धू आणि त्यांचे कुटुंबीय ऋषिकेशला दर्शनासाठी गेले होते. यावेळी त्यांनी पत्नी नवज्योत कौर सिद्धू, मुलगी राबिया सिद्धू आणि मुलगा करण सिद्धू यांच्यासोबतचे फोटो शेअर केले आहेत. तसंच ‘पत्नीची इच्छा पूर्ण करतोय’ असं म्हटलं आहे.
या सहलीतील फोटो शेअर करताना, माजी क्रिकेटपटूनं लिहिलं आहे की, ही पत्नीची ‘इच्छा’ होती, ती पूर्ण करत आहे . ‘माझ्या पत्नीची मनापासूनची इच्छा पूर्ण करत आहे. ऋषिकेश येथे गंगा दशहऱ्याच्या शुभ मुहूर्तावर पवित्र गंगेत स्नान!!’ असं त्यांनी म्हटलं आहे.
एका फोटोमध्ये नवज्योत सिंग सिद्धू पत्नी आणि मुलीसोबत पवित्र गंगेत डुबकी मारताना दिसत आहे. आणखी एक कौटुंबिक फोटो आहे ज्यामध्ये कुटुंब एकत्र जेवत आहे.
Fulfilling my wife’s cherished desire……a dip in the holy Ganges on the auspicious occasion of Ganga Dussehra at Rishikesh !!
हर-हर गंगे, नमामि गंगे 🙏🏻 pic.twitter.com/yFclXWTufS
— Navjot Singh Sidhu (@sherryontopp) May 30, 2023
त्यांच्या पत्नीला नुकतेच स्टेज 2 च्या कर्करोगाचे निदान झाले. त्यांचे हेल्थ अपडेट ट्विटरवर त्यांनी शेअर केले आहे. नवज्योतसिंग सिद्धूच्या पत्नीने 34 वर्षांपूर्वीच्या रोड-रेज घटनेप्रकरणी तुरुंगात शिक्षा भोगत असलेल्या आपल्या पतीला एक भावनिक पत्र लिहिले होते.
‘तो न केलेल्या गुन्ह्यासाठी तुरुंगात आहे. यातील सर्वांना क्षमा करा. बाहेर रोज तुझी वाट पाहतो, हे कदाचित तुम्हाला होणाऱ्या त्रासापेक्षा जास्त त्रासदाय आहे. नेहमीप्रमाणे तुमच्या वेदना दूर करण्याचा प्रयत्न करत, शेअर करायला सांगितले. एक छोटी वाढ दिसत असून, ती वाईट आहे हे मला माहीत आहे’, असं सिद्धू यांच्या पत्नीनं लिहिलं होतं.
