राष्ट्रपती द्रौपदी मुर्मू यांनी न्यायमुर्ती उदय उमेश लळित यांच्या नावावर बुधवारी देशाचे 49 वे सरन्यायाधीश म्हणून नियुक्तीची मोहोर उमटवली आहे. त्याच्या नियुक्तीच्या आदेशावर राष्ट्रपती मुर्मू यांनी स्वाक्षरी केल्या आहेत. न्यायमुर्ती लळित 17 ऑगस्टला सरन्यायाधीशपदाची सूत्रे स्वीकारणार आहेत. सध्याचे सरन्यायाधीश एन. व्ही. रमण्णा 26 ऑगस्टला सेवानिवृत्त होत आहेत.
भारतीय राज्यघटनेच्या कलम 124 अंतर्गत उपकलम 2 नुसार राष्ट्रपतींनी न्यायमूर्ती उदय उमेश लळीत यांची देशाचे पुढील सरन्यायाधीश म्हणून नियुक्ती केली आहे. 27 ऑगस्टपासून ते देशाचे सरन्यायाधीश म्हणून कार्यरत असतील असे कायदा मंत्रालयाच्या परिपत्रकात म्हटले आहे.
सरन्यायाधीश रमण्णा यांनी यू.यू. लळित यांना नियुक्तीबाबत शुभेच्छा दिल्या आहेत. लळित यांचा कार्यकाळ तीन महिन्यांपेक्षा कमी असणार आहे. ते 8 नोव्हेंबरला सेवानिवृत्त होणार आहेत. सरन्यायाधीश म्हणून लळित कॉलेजियमचे नेतृत्व करणार आहेत, त्यात न्यायमुर्ती चंद्कचूड, न्यायमुर्ती कौल, न्यायमुर्ती नजीर आणि न्यायमुर्ती इंदिरा बॅनर्जी यांचा सहभाग असेल.
