कर्नाटकात 30 गद्दारांपैकी 22 आपटले!

निवडणुकीच्या तोंडावर पक्ष बदलणारे 30 पैकी केवळ आठ जण निवडून आले आहेत. यामुळे राजकीय स्वार्थासाठी निवडणुकीआधी पक्ष बदलणाऱयांना मात्र चांगलाच धडा मिळाला आहे. कर्नाटकात नुकत्याच झालेल्या विधानसभा निवडणुकीत काँग्रेसला 135 जागा मिळाल्याने स्पष्ट बहुमत मिळाले असले तरी ऐन निवडणुकीच्या तोंडावर पक्ष सोडून गेलेल्या 22 उमेदवारांना मतदार राजाने घरी बसवल्याचे समोर आले आहे. यामध्ये केवळ भाजपच्याच नव्हे तर काँग्रेस, जेडीएसच्या उमेदवारांचाही समावेश आहे. निवडणुकीच्या तोंडावर पक्ष बदलणारे 30 पैकी केवळ आठ जण निवडून आले आहेत. यामुळे राजकीय स्वार्थासाठी निवडणुकीआधी पक्ष बदलणाऱयांना मात्र चांगलाच धडा मिळाला आहे. कर्नाटक विधानसभा निवडणुकीत काँग्रेस, भाजप आणि जेडीएस या प्रमुख पक्षांमध्ये खरी लढत होती. मात्र निवडणुकीत तिन्ही पक्षांच्या पक्षश्रेष्ठींनी मातब्बरांना बाजूला ठेवत काही नव्या चेहऱयांना संधी दिली होती. पक्षहितासाठी हा निर्णय घेतल्याचे पक्षाकडून सांगण्यात येत असले तरी आमदारकीचे तिकीटच न मिळाल्याने संबंधितांनी पक्षाला आव्हान देत पक्ष सदस्यत्व सोडून दुसऱया पक्षात प्रवेश केला होता. मात्र मतदारराजाला संबंधितांनी पक्षाशी केलेली प्रतारणा पटली नसल्याचे निकालानंतर समोर आले आहे. ...यांना मतदारांनी दाखवला घरचा रस्ता - जगदीश शेट्टर - भाजपमधून काँग्रेस, रघू आचार्य - काँग्रेसमधून जेडीएस, एम. बी. मलकारेड्डी - भाजपमधून जेडीएस, पुट्टण्णा - भाजपमधून काँग्रेस, आर. शंकर - भाजपमधून राष्ट्रवादी, बाबूराव चिंचनसूर - भाजपमधून काँग्रेस, आयूनर मंजुनाथ - भाजपमधून जेडीएस, डॉ. भारती शंकर - भाजपमधून जेडीएस, अनिल लाड - काँग्रेसमधून जेडीएस, एम. पी. कुमारस्वामी - भाजपमधून जेडीएस, आयनूर मंजूनाथ - भाजपमधून जेडीएस, तेजस्वी पाटील - काँग्रेसमधून जेडीएस, एस. आर. संतोष - भाजपमधून जेडीएस, एल. एस. घोटणेकर - काँग्रेसमधून जेडीएस, मनोहर ताशिलदार - काँग्रेसमधून जेडीएस, अखंड श्रीनिवासमूर्ती - काँग्रेसमधून बीएसपी, वीरभद्रप्पा हालरवी - भाजपमधून जेडीएस, दोड्डगौडा नरीगोळ - भाजपमधून जेडीएस, मोयदिन बावा - काँग्रेसमधून जेडीएस, मोयदिन बावा - काँग्रेसमधून जेडीएस, सूर्यकांत - भाजपमधून जेडीएस, नागराज भट - काँग्रेसमधून भाजप, सौरभ चोप्रा - काँग्रेसमधून जेडीएस. विजयी उमेदवार विजयी उमेदवारांमध्ये भाजपमधून काँग्रेसमध्ये आलेले लक्ष्मण सवदी, भाजपमधून जेडीएसमध्ये गेलेले व्ही. मंजू, भाजपमधून काँग्रेसमध्ये गेलेले राजू कागे, जेडीएसमधून काँग्रेसमध्ये गेलेले शिवलिंगगौडा, जेडीएसमधून काँग्रेसमध्ये गेलेले एस. आर. श्रीनिवास आणि भाजपमधून जेडीएसमध्ये गेलेले नेमीराज नाईक यांचा समावेश आहे.