क्षिती जोग साकारणार जिगरवाली बाई

बिनधास्त, आत्मविश्वासू, स्पष्टवक्ती अशी वैदेही ‘सनी’मधून प्रेक्षकांच्या भेटीला येणार आहे. वैदेहीची भूमिका क्षिती जोग साकारणार असून यात ती जिगरवाली बाई बनली आहे.

‘सनी’च्या निमित्ताने क्षिती जोग आणि ललित प्रभाकर आता चित्रपटातही एकत्र दिसणार आहेत. क्षिती आणि ललितने नाटक आणि मालिकेमध्ये एकत्र काम केले आहे. कॅफे मालक असलेली वैदेही सनीसोबत कधी कठोर वागताना दिसणार तर कधी त्याची काळजी घेताना दिसणार आहे.

यापूर्वी क्षिती जोग आपल्याला ‘झिम्मा’ चित्रपटात दिसली. मिता जहांगीरदार ही व्यक्तिरेखा साकारणारी क्षिती यात थोडी गोंधळलेली, घाबरट अशी दिसली. मितावर प्रेक्षकांनी भरभरून प्रेम केले. आता या भूमिकेच्या अगदी विरुद्ध अशी ‘सनी’मधील तिची भूमिका आहे आणि ही भूमिकाही तिच्या चाहत्यांना नक्कीच आवडेल. हा सिनेमा 18 नोव्हेंबरला चित्रपटगृहात प्रदर्शित होणार आहे. हेमंत ढोमे दिग्दर्शित, इरावती कर्णिक लिखित या चित्रपटात ललित प्रभाकर, क्षिती जोग यांच्यासह चिन्मय मांडलेकर यांचीही प्रमुख भूमिका आहे. अक्षय विलास बर्दापूरकर, क्षिती जोग, विराज गवस व उर्फी काझमी हे सिनेमाचे निर्माते असून संतोष खेर, तेजस्विनी पंडित सह-निर्माते आहेत.