काॅफीमध्ये तूप घालण्याचे आरोग्यवर्धक फायदे, जाणून घ्या

आजकाल आरोग्याबाबत जागरूकता वाढत असून लोक पारंपरिक पदार्थांकडे पुन्हा वळताना दिसत आहेत. अशाच एका ट्रेंडमध्ये काॅफीमध्ये तूप घालून पिण्याची सवय लोकप्रिय होत आहे. आयुर्वेदानुसार तूप हे अत्यंत पौष्टिक आणि शरीरासाठी लाभदायक मानले जाते. काॅफीमध्ये तूप मिसळल्याने केवळ चवच नाही, तर अनेक आरोग्यदायी फायदेही मिळतात. मुख्य म्हणजे काॅफी पिण्याचेही असंख्य फायदे आहेत. https://www.saamana.com/these-things-should-be-kept-in-mind-while-coloring-your-hair-read-on/ काॅफी पिण्याचे आरोग्यवर्धक फायदे कॉफी हा जगभरात आवडीने पिला जाणारा पेयप्रकार आहे. योग्य प्रमाणात आणि योग्य पद्धतीने कॉफी पिल्यास आरोग्यासाठी अनेक फायदे मिळू शकतात. सर्वप्रथम, कॉफीमध्ये कॅफिन असते, जे मेंदूला तत्पर ठेवण्यास मदत करते. नियमितपणे एक ते दोन कप कॉफी घेतल्यास थकवा कमी होतो आणि एकाग्रता वाढते. त्यामुळे कामात लक्ष केंद्रित करणे सोपे जाते. कॉफीमध्ये अँटिऑक्सिडंट्स मुबलक प्रमाणात असतात. हे अँटिऑक्सिडंट्स शरीरातील हानिकारक फ्री रॅडिकल्सचा नाश करतात, ज्यामुळे पेशींचे संरक्षण होते आणि वृद्धत्वाची प्रक्रिया मंदावते. https://www.saamana.com/find-out-what-exactly-causes-hair-to-turn-gray-at-a-young-age/ संशोधनानुसार, योग्य प्रमाणात कॉफी पिणाऱ्यांना टाइप-२ मधुमेहाचा धोका तुलनेने कमी असतो. तसेच कॉफी यकृताच्या आरोग्यासाठीही उपयुक्त मानली जाते. फॅटी लिव्हर, लिव्हर सिरॉसिस यांसारख्या समस्यांचा धोका कमी होण्यास मदत होते. कॉफीमुळे मेटाबॉलिझम सुधारतो, त्यामुळे वजन नियंत्रणात ठेवण्यास मदत मिळू शकते. व्यायामापूर्वी कॉफी घेतल्यास ऊर्जा वाढते आणि सहनशक्तीही सुधारते. तथापि, अति प्रमाणात कॉफी पिणे टाळावे. जास्त कॅफिनमुळे झोपेचा त्रास, अस्वस्थता किंवा आम्लपित्त होऊ शकते. त्यामुळे दिवसातून मर्यादित प्रमाणात आणि साखर कमी घालून कॉफी पिणे आरोग्यासाठी अधिक लाभदायक ठरते. काॅफीतील कॅफिन शरीराला ऊर्जा देते, तर तुपातील चांगले फॅट्स दीर्घकाळ ऊर्जा टिकवून ठेवण्यास मदत करतात. त्यामुळे सकाळी तूप घातलेली काॅफी पिल्याने थकवा कमी होतो आणि एकाग्रता वाढते. तसेच ही काॅफी मेंदूच्या कार्यक्षमतेसाठी उपयुक्त ठरते. https://www.saamana.com/read-about-the-health-benefits-of-drinking-a-bowl-of-buttermilk-after-a-meal/ तूप पचनक्रिया सुधारण्यास मदत करते. काॅफीमुळे काही लोकांना अॅसिडिटी किंवा पोटात जळजळ जाणवते, मात्र त्यात तूप घातल्यास ही समस्या कमी होऊ शकते. याशिवाय वजन कमी करण्याचा प्रयत्न करणाऱ्यांसाठीही ही काॅफी फायदेशीर ठरू शकते, कारण तूप भूक नियंत्रणात ठेवण्यास मदत करते. मात्र, तूप मर्यादित प्रमाणातच वापरणे आवश्यक आहे. योग्य प्रमाणात तूप घातलेली काॅफी आरोग्यासाठी नक्कीच लाभदायी ठरू शकते.