देश सोडून जाणाऱ्या पत्नीला रोखण्यासाठी पतीने तिला ठरवले दहशतवादी, विमानतळावर दिली खोटी माहिती

806

सामना ऑनलाईन । नवी दिल्ली

‘माझी पत्नी आत्मघाती दहशतवादी आहे. ती फिदायीन हल्ला करून विमान उडवणार आहे’, असा निनावी कॉल दिल्लीच्या इंदिरा गांधी विमानतळावर आल्याने एकच खळबळ उडाली होती. या कॉलनंतर दिल्लीच्या इंदिरा गांधी विमानतळावरील सर्व आंतरराष्ट्रीय उड्डाणे रद्द करण्यात आली होती. मात्र या प्रकरणाची चौकशी केल्यानंतर एक अजबच प्रकार समोर आला आहे.

नसुरुद्दीन या तरुणाने परदेशात नोकरीसाठी जाणाऱ्या त्याच्या पत्नीला रोखण्यासाठी हा खोटा कॉल केल्याचे समोर आल्याने सर्वांना एकच धक्का बसला. नसिरुद्दीनचचे त्याच्याच कंपनीत काम करणाऱ्या राफियासोबत लग्न झाले आहे. मात्र लग्नापासूनच त्यांचे पटत नव्हते. त्यामुळे राफियाने नोकरीसाठी अरब देशात जाण्याचा निर्णय घेतला होता. शुक्रवारी तिची फ्लाईट होती. नसिरुद्दीन तिला समजावून जाऊ नको असे सांगत होता. मात्र राफिया ऐकत नव्हती. त्यामुळे त्याने तिला अडविण्यासाठी विमानतळावर फोन करून त्याची पत्नी आत्मघाती हल्लेखोर असून ती विमानात बॉम्बस्फोट घडविणार असल्याचे सांगितले. त्या माहितीनंतर विमानतळ प्रशासनाने तत्काळ सर्व आंतरराष्ट्रीय उड्डाणे रद्द केली. या प्रकरणाचा तपास केल्यानंतर पोलिसांनी नसिरुद्दीनला अटक केली.

आपली प्रतिक्रिया द्या