शशी थरूरच्या तोंडाला काळे फासण्यासाठी मुस्लीम तरुणाने ठेवले बक्षिस

11

सामना ऑनलाईन । आग्रा

भाजप जर २०१९ मध्ये सत्तेत आली तर आपल्या देशाचा हिंदू पाकिस्तान होईल असे वादग्रस्त वक्तव्य करणारे काँग्रेसचे ज्येष्ठ नेते शशी थरूर यांच्या तोंडाला काळे फासण्याचे आवाहन एका मुस्लीम तरुणाने केले आहे. या तरुणाने थरूर यांच्या तोंडाला काळे फासणाऱ्याला रोख अकरा हजार रुपयांचे बक्षीस देण्याचे जाहीर केले आहे. मोहम्मद आमीर राशीद असे त्या तरुणाचे नाव असून थरूर यांच्या वक्तव्यामुळे तो प्रचंड चिडला आहे.

भाजप पुन्हा सत्तेत आली तर देशाचा हिंदू पाकिस्तान होईल…

‘थरूर यांनी केलेले वक्तव्य हे अत्यंत बेजबाबदारपणाचे आहे. या वक्तव्यामुळे फक्त हिंदूच्याच नाही तर देशभक्त मुस्लीमांच्या देखील भावना दुखावल्या गेल्या आहेत. त्याचे हे वक्तव्य फक्त हिंदुस्थानसारख्या महान देशातील हिंदू मुस्लीमांना विभागण्याचा प्रयत्न केला आहे. सध्या काँग्रेसचे नेते निवडणूक जिंकण्यासाठी कोणत्याही थराला जायला तयार आहेत. त्यांना भाजपच्या काळात देशाचा विकास बघवत नाही, असे राशिदने सांगितले.

भाजप जर २०१९ मध्ये सत्तेत आली तर आपल्या देशाचा हिंदू पाकिस्तान होईल, अशी मुक्ताफळे काँग्रेसचे ज्येष्ठ नेते शशी थरूर यांनी उधळली होती. केरळ येथे काँग्रेसच्या सभेत भाजपवर टीका करताना त्यांनी हे बेजबाबदार वक्तव्य केलं होतं.

आपली प्रतिक्रिया द्या