दिल्लीतील खान मार्केटमध्ये रात्री एकच्या सुमारास काही समाजकंटकांनी ‘पाकिस्तान झिंदाबाद’चे नारे लगावले. याप्रकरणी पोलिसांनी तीन महिला व दोन पुरुषांना ताब्यात घेतले असून त्यांची चौकशी सुरू आहे.
Delhi| PCR call about 6 people heard sloganeering Pakistan Zindabad near Khan Market metro station received last night. It was found that during racing on rental bikes, they kept each other’s names based on countries incl Pakistan. The slogan was raised in a lighter vein: Police
— ANI (@ANI) January 24, 2021
रात्री एकच्या सुमारास खान मार्केटमधील मेट्रो स्थानका जवळ काही लोकं पाकिस्तान झिंदाबादचे नारे देत असल्याचा फोन तुघलक रोड पोलीस ठाण्यात आला. त्यानंतर पोलीस तत्काळ घटनास्थळी पोहोचले आणि त्यांनी त्या लोकांना ताब्यात घेतले. ते सर्व जण युलु बाईकवरून परिसराचा फेरफटका मारत होते.
चौकशी दरम्यान त्यांनी युलु बाईकवरून शर्यत लावली होती व त्यावेळी त्यांनी प्रत्येकाला वेगवेगळ्या देशांची नावं दिली होती. त्यातील एकाला त्यांनी पाकिस्तान हे नाव देखील दिले होते. त्याला हाक मारताना आमच्यातील काहिंनी त्याला पाकिस्तान म्हटल्याने हा गोंधळ झाल्याचे त्या तरुणांनी पोलिसांना सांगितले.
