राष्ट्रपतींच्या अभिभाषणावरील धन्यवाद प्रस्तावावरील विरोधकांनी केलेल्या चर्चेला बुधवारी पंतप्रधान नरेंद्र मोदी यांनी लोकसभेत उत्तर दिले. यावेळी पंतप्रधान मोदी यांनी आपल्या नऊ वर्षांच्या कार्यकाळातील कामाची उजळणी करताना ‘मी, मी, मीच केले’चा पाढा वाचला. तसेच वृत्तपत्रे आणि टी.व्ही. चॅनेलवर माझा चेहरा पाहून जनतेने माझ्यावर विश्वास टाकलेला नाही, तर मी माझे जीवन समर्पित केले आहे, असे विधानही त्यांनी केले. यावरून आता काँग्रेसने निशाणा साधला असून मोदी सरकारची चमकोगिरी आकड्यांसह उघड केली आहे.
काँग्रेसच्या अधिकृत ट्विटर अकाउंटवरून गुरुवारी एक ट्विट करण्यात आले आहेत. संसदेमध्ये पंतप्रधान नरेंद्र मोदी यांनी असा दावा केला की, वृत्तपत्रे आणि टी.व्ही. चॅनेलवर माझा चेहरा पाहून जनतेने माझ्यावर विश्वास टाकलेला नाही. परंतु सत्य हे आहे की मोदी सरकारने 20147 ते 2022 या आठ वर्षांच्या काळात जाहिरातबाजीवर तब्बल 6500 कोटी रुपये खर्च केले, असे काँग्रेसने आपल्या ट्विटमध्ये म्हटले आहे.
मोदी सरकारने गेल्या आठ वर्षाच्या कालावधीत खर्च केलेल्या 6500 कोटींचा हिशोबही काँग्रेसने दिला आहे. प्रिंट मीडियावर मोदी सरकारने तब्बल 3230.77 कोटी रुपये, तर इलेक्ट्रॉनिक मीडियावर 3260.79 कोटी रुपये खर्च केले आहेत, असे काँग्रेसने ट्विटमध्ये म्हटले आहे. या ट्विटसोबत त्यांनी एक फोटोही शेअर केला आहे. या फोटोमध्ये देशातील प्रमुख वर्तमानपत्राच्या पहिल्या पानावर मोदी सरकारच्या जाहीरातीचा फोटो दिसत आहे.
संसद में PM मोदी का दावा 👇
मोदी अखबार की सुर्खियों और TV के चमकते चेहरों से नहीं बना।
——
हकीकत 👇मोदी सरकार ने 2014 से 2022 तक विज्ञापन पर करीब 6,500 करोड़ रु. खर्च किए।
• प्रिंट मीडिया: 3,230.77 करोड़
• इलेक्ट्रॉनिक मीडियाः 3,260.79 करोड़मतलब कुछ भी? pic.twitter.com/OwrteVGZ9d
— Congress (@INCIndia) February 9, 2023
