चेन्नई सुपर विंग्जने विजेतेपदावर नाव कोरल्यानंतर मराठमोळ्या ऋतुराज गायकवाडने इन्स्टाग्रामवर एक पोस्ट शेअर केली होती. यात त्याने चेन्नई सुपर किंग्जचा विद्यमान कर्णधार महेंद्रसिंग धोनीबरोबरचा एक फोटो पोस्ट केला आहे. या फोटोत एका बाजूला ऋतुराज, मध्ये धोनी अन् बाजूला त्याची होणारी पत्नी उत्कर्षा पवार बसली आहे. ‘माझ्या आयुष्यातील दोन व्हीव्हीआयपी. यासाठी मी देवाचा खरंच आभारी आहे’, असे कॅप्शन ऋतुराजने या फोटोला दिले होते. ऋतुराजने शेअर केलेल्या या फोटोवर अनेक क्रिकेटपटूंसह त्याच्या चाहत्यांनी त्याला शुभेच्छा दिल्या आहेत. अनेकजण त्याला लग्नापूर्वी शुभेच्छा देताना दिसत आहेत. मात्र, या सर्व कमेंटमध्ये ऋतुराजच्या पत्नीच्या कमेंटने लक्ष वेधून घेतले आहे. उत्कर्षाने या खास फोटोवर हार्ट आणि नजर न लागण्याचे दोन इमोजी शेअर करत तिचा आनंद व्यक्त केला आहे.
