‘‘शिरीष पै पुरस्कार’ 18 डिसेंबरला, कवयित्री नीरजा यांचा सन्मान

‘आत्रेय’तर्फे दरवर्षी दिला जाणारा ‘शिरीष पै पुरस्कार आणि मानचिन्ह’ या वर्षी कवयित्री नीरजा यांना जाहीर झाला आहे. नुकतीच या पुरस्काराची घोषणा झाली. हा पुरस्कार समारंभ शनिवार, 18 डिसेंबर रोजी सायंकाळी 5 वाजता दादर-माटुंगा कल्चरल सेंटर येथे होणार आहे. प्रसिद्ध साहित्यिका मोनिका गजेंद्रगडकर यांच्या हस्ते नीरजा यांना पुरस्कार प्रदान केला जाईल. यावेळी प्रमुख अतिथी मुंबई उच्च न्यायालयाच्या माजी न्यायमूर्ती मृदुला भाटकर उपस्थित राहतील. ज्येष्ठ पत्रकार मधुकर भावे मुख्य वक्ते असतील. आत्रेय आणि डिंपल पब्लिकेशन यांनी संयुक्तपणे आयोजित केलेला हा कार्यक्रम निःशुल्क असून ‘शिरीष पै काव्यकट्टा’चे रसिक, कवी आणि श्रोते यांनी उपस्थित राहावे, असे आवाहन ‘आत्रेय’ चे राजेंद्र पै यांनी केले आहे.