उजनीतून होणारा पाण्याचा विसर्ग वाढला,नरसिंहपूर इथे पूरसदृश्य परिस्थिती

23

सामना ऑनलाईन, सोलापूर

उजनी धरणातून गुरूवारी सकाळी भीमा नदीमध्ये पाण्याचा विसर्ग सुरू करण्यात आला. उजनी धरणाच्या वरच्या बाजूला असलेल्या धरणांच्या पाणलोट क्षेत्रात दमदार पाऊस झाला त्यामुळे उजनी धरणात दौंड येथून येणारा विसर्ग  वाढला. उजनी धरणांच्या पाणलोट क्षेत्रातही चांगला पाऊस झाला ज्यामुळे उजनीत येणारा पाण्याचा प्रवाह वाढला. गुरूवारी संध्याकाळी साडेसहाच्या सुमारास उजनी धरणातून ८० हजार क्युसेक पाण्याचा विसर्ग सुरू होता.

सोमवारपासून  माढा,करमाळा,इंदापूर तालुक्यासह ,पुणे परीसरात चांगला पाऊस झाला. यामुळे उजनी धरणात येणाऱ्या पाण्यामध्ये वाढ झाली होती. नीरा नदीच्या परिसरात पावसाचे प्रमाण वाढल्याने नीरा नदीतून ७१६९ क्युसेक पाण्याचा विसर्ग  भीमानदीत नरसिंहपूर इथे मिसळतोय त्यामुळे या परिसरात पूरसदृश्य परिस्थिती निर्माण झाली होती.

आपली प्रतिक्रिया द्या