हिंदी–मराठी चित्रपटांमधून आपल्या विनोदी शैलीने प्रेक्षकांना खळखळून हसवणारे ज्येष्ठ अभिनेते विजय पाटकर आणि वेगवेगळय़ा भूमिकांतून प्रेक्षकांचं मन जिंकणाऱ्या अभिनेत्री सुरेखा कुडची या दोन मात्तब्बर कलाकारांचा रोमॅण्टिक अंदाज आगामी ‘दिल दोस्ती दिवानगी’ या चित्रपटात पहायला मिळणार आहे. चित्रपटात त्यांचा रोमॅण्टिक ट्रक असून या दोघांचे प्रेम कसे खुलते, याची धमाल बघणे प्रेक्षकांसाठी रंजक असणार आहे. वि
जय पाटकर यांनी प्रोफेसर ‘पाटकर’, तर सुरेखा कुडची यांनी प्रोफेसर ‘मेरी’ ही व्यक्तिरेखा साकारली आहे. ‘दिल दोस्ती दिवानगी’ या चित्रपटाच्या निमित्ताने आम्ही पहिल्यांदाच एकत्र काम केले असले तरी एकमेकांसोबत उत्तम टय़ुनिंग असल्यामुळे आमच्या या भूमिका आम्ही खूप एन्जॉय केल्याचे हे दोघे सांगतात.
या दोघांव्यतिरिक्त या चित्रपटात कश्यप परुळेकर, वीणा जगताप, स्मिता गोंदकर, चिराग पाटील, प्रदीप वेलणकर, स्मिता जयकर, अतुल कवठळकर, तीर्था मुरबाडकर, तपन आचार्य, दुर्वा साळोखे, पंवलप्रीत सिंग हे कलाकार दिसणार आहेत. 13 ऑक्टोबरला ‘दिल दोस्ती दिवानगी’ हा चित्रपट प्रेक्षकांच्या भेटीला येणार आहे. मैत्री आणि प्रेम या प्रवासात वळणावळणावर घडणाऱ्या अनपेक्षित गोष्टी याचा रंजक अनुभव देणारा ‘दिल दोस्ती दिवानगी’ हा चित्रपट आहे.
ट्रान्सइंडिया मिडिया अॅण्ड एंटरटेन्मेंटची प्रस्तुती असलेल्या या चित्रपटाचे दिग्दर्शन शिरीष राणे यांचे, तर निर्मिती राजेंद्र राजन यांची आहे.
