बापरे! महिलेने लिलया पकडला 9 फुटी अजगर, व्हिडीओ व्हायरल

साप पकडणे ही एक कला आहे. समोर साप दिसला तरी अनेकांची पाचावर धारण बसते. मात्र फ्लोरिडामधील महिलेने रस्त्याच्या कडेला झाडीमध्ये लपून बसलेल्या 9 फुटी अजगराला लिलया पकडले. एका लाकडाच्या साहाय्याने महिला अजगराला पकडते. या धाडसी महिलेचा व्हिडीओ सध्या सोशल मीडियावर तुफान व्हायरल होत आहे.

हा व्हिडीओ फ्लोरिडामधील लिऑन काउंटी शेरिफ ऑफिस या फेसबुक पेजवरून अपलोड करण्यात आला आहे. व्हिडीओमधील महिलेचे नाव एमिली असे असून, ती एक गुप्तहेर आहे. एमिलीने एका लाकडी ओंडक्याच्या साहाय्याने अजगराला पकडण्यास सुरुवात केली तेव्हा अजगर तिच्यावर हल्ला करण्याचा प्रयत्न करतो, मात्र अखेर त्याचा एका बॅगेमध्ये बंद करण्यात तिला यश येते. एमिली साप पकडण्यामधील एक्स्पर्ट आहे.

पाहा व्हिडीओ :

आपली प्रतिक्रिया द्या