>> नीलिमा प्रधान
मेष – कार्यावर लक्ष द्या
सूर्य, चंद्र त्रिकोणयोग, शुक्र, गुरू षडाष्टक योग. मित्रा, आप्तेष्टांना नाराज करण्यापेक्षा कार्यावर लक्ष द्या. प्रकृतीची काळजी घ्या. नोकरीत प्रभाव पडेल. चांगली संधी मिळेल. धंद्यात उतावळेपणा नको. राजकीय, सामाजिक क्षेत्रात तुमच्या आत्मविश्वासाचे कौतुक होईल. प्रतिष्ठा वाढेल. टीकेकडे दुर्लक्ष करा.
शुभ दिनांक : 31, 1
वृषभ – प्रवासात सावध रहा
चंद्र, शुक्र लाभयोग, शुक्र, यानि केंद्रयोग. सप्ताहाच्या शेवटी तणाव जाणवेल. प्रवासात सावध रहा. वाद नको. नोकरीच्या कामात चूक टाळा. धंद्यात लाभ होईल. व्यावहारिक चर्चेत यश मिळेल. राजकीय, सामाजिक क्षेत्रात आरोप होतील. रागाला आवर घाला. कायदा पाळा. कुटुंबातील वृद्धांची चिंता वाटेल.
शुभ दिनांक : 3, 4
मिथुन – चर्चेत यश मिळेल
सूर्य, गुरू त्रिकोणयोग, सूर्य, चंद्र लाभयोग. कठीण पण महत्त्वाची कामे करा. भेटीत चर्चेत यश मिळेल. मैत्री, नाते जपा. नोकरीत आत्मविश्वास दिसेल. चांगला बदल शक्य आहे. धंद्यात नम्र रहा. मोह, व्यसन नको. राजकीय, सामाजिक क्षेत्रात नवे परिचय पारखून मत व्यक्त करा. वरिष्ठांना मदत कराल. प्रतिष्ठा वाढेल.
शुभ दिनांक: 31, 1
कर्क – प्रत्येक दिवस यशदायी
चंद्र, शुक्र लाभयोग, चंद्र, गुरू प्रतियुती. प्रत्येक दिवस यश देणारा. कुशलता, नम्रता, मधुर शब्दांनीच यश खेचावे लागेल. नोकरीत वरिष्ठांना कमी लेखू नका. धंद्यात लाभ होईल. राजकीय, सामाजिक क्षेत्रात तुमचा वापर केला जात आहे का याचा विचार करा. कायदा पाळा. घरातील वाद वाढवू नका.
शुभ दिनांक : 1, 2
सिंह – कठीण कामे करा
सूर्य, चंद्र त्रिकोणयोग, चंद्र, गुरू प्रतियुती. प्रत्येक दिवस महत्त्वाचा ठरेल. कठीण कामे करा. नवीन परिचय तपासून पहा. मोह, व्यसनाने अडचणीत याल. नोकरीत कामाची कदर होईल. राजकीय, सामाजिक क्षेत्रात जवळच्या व्यक्ती दगाफटका करतील. खलबते जपून करा. क्षुल्लक अडचणी येतील. प्रतिष्ठा वाढेल.
शुभ दिनांक : 4, 5
कन्या – वाद टाळा
चंद्र, शुक्र लाभयोग. चंद्र, मंगळ त्रिकोणयोग. क्षुल्लक वादाला, टीकेला जास्त महत्त्व न देता स्वतच्या कामावर लक्ष द्या. कायदा पाळा. नोकरीत व्याप राहील. मित्र मदत करतील. कौशल्य, बुद्धिचातुर्याने यश मिळेल. राजकीय, सामाजिक क्षेत्रात सावध रहा. प्रक्षोभक वक्तव्याने विचलित होऊ नका. प्रतिष्ठा जपा.
शुभ दिनांक : 4, 5
तूळ – कामाची प्रशंसा होईल
सूर्य, चंद्र त्रिकोणयोग, चंद्र, शुक्र लाभयोग. क्षुल्लक कारणाने विचलित न होता महत्त्वाची कामे करा. नवे परिचय उत्साहवर्धक ठरतील. नोकरीत कामाची प्रशंसा होईल. धंद्यात मोठे काम मिळेल. वसुली करा. चर्चेत यश मिळेल. राजकीय, सामाजिक क्षेत्रातील गैरसमज दूर करण्याची संधी मिळेल. जनसंग्रह वाढवा.
शुभ दिनांक : 1, 2
वृश्चिक – प्रेरणादायक काळ
चंद्र, बुध लाभयोग, शुक्र शनि केंद्रयोग. कोणालाही वचन देताना घाई करू नका. प्रभाव वाढवणारे काम कराल. दिग्गज व्यक्तींचा सहवास लाभेल. नोकरीधंद्यात प्रगती होईल. प्रेरणादायक वातावरण राहील. राजकीय, सामाजिक क्षेत्रात उत्साह, आत्मविश्वास वाढेल. खरेदी, विक्रीत सावध रहा.
शुभ दिनांक : 31, 1
धनु – प्रगतीची संधी लाभेल
शुक्र, गुरू षडाष्टक योग, चंद्र, गुरू प्रतियुती. मैत्रीत, नात्यात तारेवरची कसरत करावी लागेल. नोकरीत प्रभाव पडेल. प्रगतीची संधी लाभेल. धंद्यात तणाव जाणवेल. व्यवहारात सावध रहा. राजकीय, सामाजिक क्षेत्रात दिग्गज व्यक्तींचा सहवास लाभेल. नवीन परिचयावर भाळू नका. गैरसमज टाळता येतील.
शुभ दिनांक : 31, 1
मकर – अतिशयोक्ती नको
चंद्र, शुक्र लाभयोग, शुक्र, शनि केंद्रयोग. अहंकार, वाद यामुळे नुकसान होईल. प्रवासात सावध रहा. कायदा पाळा. नोकरी टिकवा. धंद्यात अरेरावी नको. लाभ होईल. राजकीय, सामाजिक क्षेत्रात अतिशयोक्तीपूर्ण वक्तव्य समस्या निर्माण करेल. प्रतिष्ठा जपा. जनसंपर्क वाढेल. कला, साहित्यात प्रगती होत नवा विषय मिळेल.
शुभ दिनांक : 3, 4
कुंभ – अधिकार लाभतील
चंद्र, गुरू प्रतियुती, सूर्य चंद्र लाभयोग. सप्ताहाच्या मध्यावर क्षुल्लक तणाव जाणवेल. नोकरीत कठीण कामे करून दाखवाल. चांगला बदल घडेल. धंद्याला नवी कलाटणी मिळेल. मागील येणे वसूल करा. तुमच्या क्षेत्रात सुधारणा होईल. अधिकार लाभतील. राजकीय, सामाजिक क्षेत्रात नवे डावपेच रचता येतील.
शुभ दिनांक : 31, 1
मीन – संमिश्र स्वरूपाचा काळ
सूर्य, चंद्र त्रिकोणयोग, चंद्र, शुक्र लाभयोग. उत्साह, आत्मविश्वासाच्या भरात घाई करू नका. तणाव, गैरसमज टाळता येतील. नोकरीत कामाचा व्याप राहील. वरिष्ठ प्रशंसा करतील. राजकीय, सामाजिक क्षेत्रात अटीतटीचे प्रसंग आले तरी निभावून न्याल. जिद्द ठेवा. चतुराईने वागा. संमिश्र स्वरूपाचे वातावरण राहील.
शुभ दिनांक : 3, 4
