हक्कसोडपत्र एक कायदेशीर दस्तऐवज आहे. याद्वारे एकत्र कुटुंबातील सदस्य आपली वडिलोपार्जित किंवा संयुक्त मालमत्तेतील वैयक्तिक हक्क स्वेच्छेने सोडून देतो.
हक्कसोडपत्र नोंदणीकृत करणे बंधनकारक आहे. कारण मालमत्ता हस्तांतरण अधिनियम 1882, कलम 17 नुसार, सर्व दस्तऐवज नोंदणीकृत असणे आवश्यक आहे.
हक्कसोडपत्र रद्द करणे कठीण आहे, कारण ते कायमस्वरूपी हक्क सोडण्याचे कायदेशीर दस्तऐवज आहे. पुढील परिस्थितींमध्ये रद्द करणे शक्य होऊ शकते.
जर हक्कसोडपत्र फसवणुकीने, दबावाखाली किंवा खोटी सही घेऊन तयार केले गेले असेल, तर ते कोर्टात रद्द करता येऊ शकते. यासाठी पुरावे सादर करावे लागतील.
साक्षीदार, पत्रव्यवहार, किंवा खोटय़ा सहीचा पुरावा द्यावा लागतो. हक्कसोडपत्र नोंदणीकृत नसेल, तर त्याचा कायदेशीर प्रभाव कमी होतो आणि ते रद्द करणे सोपे होऊ शकते.
