बृहंन्मुंबई महानगरपालिकेच्या अधिकारी व कर्मचाऱ्यांसाठी आनंदाची बातमी आहे. दिवाळी 2024 निमित्त प्रशासनाने बोनस जाहीर केला आहे. यंदाच्या वर्षी 29 हजार रुपये सानुग्रह अनुदान बृहन्मुंबई महानगरपालिका प्रशासनाने जाहीर केले आहे. त्यामुळे सध्या कर्मचारी व अधिकाऱ्यांमध्ये आनंदाचे वातावरण आहे.
बृहन्मुंबई महानगरपालिका अधिकारी/ कर्मचारी यांना दिवाळी 2024 प्रीत्यर्थ सानुग्रह अनुदान देण्यासंदर्भात महानगरपालिकेतील विविध कामगार, कर्मचारी संघटनांच्या समन्वय समितीने मागणी केली होती. यानंतर मुख्यमंत्री व महानगरपालिका आयुक्त यांच्यात दिवाळी बोनसवरून चर्चा करण्यात आली. या चर्चेनंतर दिवाळी 2024 करीता महानगरपालिका अधिकारी / कर्मचाऱ्यांना सानुग्रह अनुदान देण्याचा निर्णय घोषित करण्यात आला आहे.
अनुदान देण्याचा क्रम, तपशील आणि सानुग्रह अनुदान रक्कम पुढीलप्रमाणेः
1. महानगरपालिका अधिकारी / कर्मचारीः रुपये 29,000/-
2. अनुदान प्राप्त खासगी प्राथमिक शाळा शिक्षक / शिक्षकेतर कर्मचारीः रुपये 29,000/-
3. महानगरपालिका प्राथमिक शाळेतील तसेच अनुदानप्राप्त खासगी प्राथमिक शाळेतील शिक्षण सेवकः रुपये 29,000/-
4. माध्यमिक शाळेतील शिक्षक / शिक्षकेतर कर्मचारी (अनुदानित/विनाअनुदानित): रुपये 29,000/-
5. माध्यमिक शाळेतील शिक्षण सेवक (अनुदानित/विनाअनुदानित): रुपये 29,000/-
6. अध्यापक विद्यालय अधिव्याख्याते / शिक्षकेतर कर्मचारी- (अनुदानित/विनाअनुदानित): रुपये 29,000/-
7. अध्यापक विद्यालय शिक्षण सेवक (पूर्ण वेळ) (अनुदानित/विनाअनुदानित): रुपये 29,000/-
8. सामाजिक आरोग्य स्वयंसेविका (CHV): भाऊबीज भेट रुपये 12,000/-
9. बालवाडी शिक्षिका / मदतनीस – भाऊबीज भेट रुपये 05,000/-
