ज्येष्ठ अभिनेत्री वंदना गुप्ते, उत्तमजी पाटील, प्रख्यात हृदयविकारतज्ञ डॉ. गजानन रत्नपारखी आणि विश्लेषक आणि समीक्षक डॉ. उदय निरगुडकर तसेच टच संस्थेचे डॉ. श्रीकांत सर्वगोड यांना राजहंस प्रतिष्ठानच्या वतीने देण्यात येणारे यंदाचे ‘राजहंस’ पुरस्कार जाहीर झाले आहेत. गोरेगाव पूर्व येथील नंदादीप विद्यालयाच्या प्रांगणात रविवार, 16 फेब्रुवारी रोजी सायंकाळी साडेपाच वाजता हा पुरस्कार प्रदान सोहळा होणार आहे.
राजहंस प्रतिष्ठान गेली 21 वर्षे समर्पित भावनेने विनामूल्य रुग्णसेवा करीत आहे. कला व रुग्णसेवेसाठी समर्पित असलेल्या राजहंस प्रतिष्ठानच्या वतीने दरवर्षी विविध क्षेत्रांतील मान्यवरांना ‘राजहंस’ पुरस्काराने गौरवण्यात येते. रविवारी होणार्या पुरस्कार प्रदान सोहळ्यास ज्येष्ठ अर्थतज्ञ डॉ. भालचंद्र मुणगेकर हे प्रमुख पाहुणे म्हणून उपस्थित राहणार आहेत. कार्यक्रमाचे सूत्रसंचालन ऋणमयी भजक करणार आहेत. याचवेळी डॉ. महेश अभ्यंकर व श्रेया अभ्यंकर लिखित ‘रँक’ या पुस्तकाचे डॉ. मुणगेकर यांच्या हस्ते प्रकाशन होणार असल्याची माहिती राजहंस प्रतिष्ठान संस्थेचे संस्थापक आणि अध्यक्ष सुहास कबरे यांनी दिली.
