पंजाब नॅशनल बँकेला तब्बल 13 हजार 500 कोटी रुपयांचा चुना लावून देशाबाहेर पळून गेलेल्या कर्जबुडव्या मुख्य आरोपी मेहुल चोक्सी याला बेल्जियम पोलिसांनी अटक केली. हजारो कोटींचा घोटाळा करणाऱ्या चोक्सीची बाजू युरोपातील सर्वात महागडा वकील मांडणार असल्याचे समोर आले आहे. पॉल बिकायथ आणि त्यांचा मुलगा सायमन बिकायथ हे युरोपातील सर्वात महागडे वकील म्हणून गणले जातात. त्यांना चोक्सीने अटक आणि प्रत्यार्पणाविरोधात आपली बाजू मांडण्यासाठी नेमले आहे. पॉल बिकायथ यांनी मानवाधिकार आणि प्रत्यार्पणाशी संबंधित युरोपातील अनेक बडय़ा प्रकरणांमध्ये युक्तिवाद केला आहे.
