आजही अनेक घरांमध्ये फोडणीला मोहरीच्या तेलाचा वापर सहजपणे करतात. मोहरीच्या तेलाच्या वासाने नाकं मुरडणारे खूपजण आहेत. आपल्या हिंदुस्थानामध्ये अनेक राज्यांमध्ये मोहरीचे तेल हे प्रामुख्याने वापरले जाते. पराठे बनवणे असोत, मटर पनीर असो किंवा कोणतेही पदार्थ असो. काही पदार्थ हे मोहरीच्या तेलाशिवाय अपूर्ण आहेत. म्हणूनच स्वयंपाकघरात मोहरीचे तेल आवश्यक आहे. मोहरीचे तेल केवळ स्वयंपाकासाठी नाही, तर सौंदर्यासाठी सुद्धा खूप महत्त्वाचे मानले जाते. मोहरीचे तेल हृदयाच्या आरोग्यासाठी चांगले आहे, पचनास मदत करते आणि त्वचा आणि केसांना पोषण देते.
Skin Care- चेहरा धुताना पाण्यात चिमूटभर मीठ घाला, बघा काय होतील फायदे!
जाणून घेऊया मोहरीच्या तेलाचे सौंदर्यवर्धक फायदे
सनबर्न या समस्येपासून वाचण्यासाठी मोहरीच्या तेलाशिवाय दुसरा परिणामकारक उपाय नाही. मोहरीच्या तेलात व्हिटॅमिन ई असल्याने सूर्याच्या हानिकारक किरणांपासून त्वचेचे संरक्षण होते तसेच त्वचेवरील सुरकुत्यांवर परिणामकारक ठरते.
त्वचा उजळण्यासाठी आवश्यक असे अनेक गुणधर्म मोहरीच्या तेलात असतात. त्यामुळे त्वचेला कोणतेही हानी होत नाही. खोबरेल तेलात मोहरीचे तेल मिसळून चेहऱ्यावर लावा. त्यामुळे रक्तप्रवाह सुधारेल आणि त्वचाही उजळेल.
केस रुक्ष होणे, खाज, कोंडा यांसारख्या केसांच्या समस्येवर मोहरीचे तेल गुणकारी ठरते. आठवड्यातून एकदा मोहरीचे तेल कोमट करुन त्याने केसांना मसाज करा आणि त्यानंतर अर्ध्या तासाने केस सौम्य शॅम्पूने धुवा. केसांच्या समस्या दूर होण्यास मदत होईल व केस चमकदार होतील.
मोहरीच्या तेलाने रॅशेस पासून सुटका होते. यात अंटी फंगल आणि अंटी बॅक्टेरिअल गुणधर्म असतात. त्यामुळे त्वचेवर होणारे रॅशेस दूर होतात. यासाठी मोहरीच्या तेलात खोबरेल तेल मिसळून त्वचेवर मसाज करावा. अतिशय उपयुक्त आणि गुणकारी असा हा तोडगा आहे.
