भारतीय डाक विभागाच्या एपीटी आयटी प्रणालीचा शुभारंभ होत आहे. हे पाऊल म्हणजे डिजिटल उत्कृष्टतेकडे आणि राष्ट्रनिर्मितीकडे वाटचाल करणारा महत्त्वपूर्ण टप्पा असणार आहे. याचाच भाग म्हणून ही अद्ययावत प्रणाली मुंबई जीपीओमध्ये 4 ऑगस्ट रोजी अंमलात आणली जाणार आहे.
ही प्रगत डिजिटल प्रणाली कार्यरत करण्यासाठी 2 आणि 3 ऑगस्ट रोजी नियोजित डाउनटाइम ठेवण्यात आलेला आहे. त्यामुळे 2 आणि 3 ऑगस्ट रोजी कोणतेही सार्वजनिक व्यवहार मुंबई जीपीओ कार्यालयांमध्ये होणार नाहीत. डेटा ट्रान्सफर आणि कॉन्फिग्रेशन प्रक्रिया सुरळीत करण्यासाठी ही तात्पुरती सेवा स्थगित केली आहे.
