मुंबई बंदर कर्मचारी सहकारी पतपेढीच्या पंचवार्षिक निवडणुकीत मुंबई पोर्ट प्राधिकरण स्थानीय लोकाधिकार समितीच्या सहकार पॅनलने प्रस्थापित अपना पॅनलचा पराभव करून दणदणीत विजय मिळवला. या विजयी उमेदवारांनी शिवसेना पक्षप्रमुख उद्धव ठाकरे यांची ‘मातोश्री’ निवासस्थानी भेट घेऊन आशीर्वाद घेतला. यावेळी उद्धव ठाकरे यांनी सर्व उमेदवारांचे अभिनंदन करत पुढील वाटचालीसाठी शुभेच्छा दिल्या.
स्थानीय लोकाधिकार समिती महासंघाचे अध्यक्ष शिवसेना नेते, खासदार अनिल देसाई, शिवसेना नेते-खासदार अरविंद सावंत, शिवसेना नेते-खासदार संजय राऊत, शिवसेना नेते-आमदार अॅड. अनिल परब, महासंघाचे सरचिटणीस प्रदीप मयेकर, मुंबई पोर्ट प्राधिकरण स्थानीय लोकाधिकार समितीचे अध्यक्ष मिलिंद घनकुटकर, कार्याध्यक्ष बबन शिरोडकर, सरचिटणीस सूर्यकांत शिंदे, खजिनदार अजित झाझम, सहकार्याध्यक्ष किशोर घाडी, अमोल म्हात्रे यांच्यासह निवडणुकीत विशेष परिश्रम घेतलेले पदाधिकारी, सेवानिवृत्त पदाधिकारी उपस्थित होते.
निवडणुकीत विजयी झालेले अजित झाजम, राकेश भाटकर, संदीप चेरफळे, मनीष पाटील, अनंत (अप्पा) भोसले, मिलिंद रावराणे, संदीप गावडे, सुजाता दळवी, प्रशांत वारेकर, राजेश जाधव, नामदेव सरगर हे शिलेदारदेखील यावेळी उपस्थित होते.
