घाटकोपरच्या एलबीएस रोडवर शनिवारी पहाटेच्या सुमारास भीषण अपघात घडला आहे. या अपघातात फुटपाथवरील तीन जण गंभीर जखमी झाले आहे. अपघातावेळी गाडीत दोन तरूणी आणि एका तरुण असल्याची माहिती आहे.
मिळालेल्या माहितीनुसार, कारमधील तिघेहीजण नशेत असल्याचा आरोप स्थानिकांनी केला आहे. तरुण नशेत असल्यामुळे त्याचे कारवरचे नियंत्रण सुटले आणि बॅरिकेडिंग तोडून कार थेट दुकानाच्या कठड्यावर आदळली. या अपघातात 3 जण गंभीर जखमी झाले. यापैकी एकाची प्रकृती गंभीर आहे.अपघातातील जखमींना राजावाडी रुग्णालयात नेण्यात आले आहे. अपघात झाल्यावर कार चालणारा तरूण घटनास्थळावरून रिक्षातून पळून गेला. तर तरूणी तिथेच थांबल्या होत्या. पोलिसांनी या तरूणींना ताब्यात घेतले असून फरार आरोपीचा शोध घेतला जात आहे.
