शबरीमला मंदिरात झालेल्या सोने चोरीच्या प्रकरणाचा तपास करणाऱ्या विशेष तपास पथक (एसआयटी) च्या कार्यपद्धतीवर केरळ हायकोर्टाने नाराजी व्यक्त केली आहे. कोर्टाने म्हटले की, या चोरीचा तपास अत्यंत धिम्या गतीने सुरू आहे. यामुळे आरोपींना जामीन मिळत आहे. तसेच जनतेचा विश्वासही तपास एजन्सीवरून उठत चालला आहे. न्यायाधीश ए. बदरूद्दीने यांच्या खंडपीठाने म्हटले की, जर पोलिसांनी 90 दिवसांच्या आत चार्जशीट दाखल केली नाही तर आरोपींना जामिनाचा अधिकार मिळतो. या कारणामुळेच मुख्य आरोपी उन्नीपृष्णन पोट्टी आणि त्रावणकोर देवासम बोर्डाचे माजी अधिकारी मुराली बाबू यांना जामीन मिळाला आहे.
