पुणे येथील महात्मा जोतिराव फुले वाडा आणि क्रांतिज्योती सावित्रीबाई फुले स्मारकाच्या विस्तारीकरणासाठी भूसंपादन आणि रहिवाशांचे अन्यत्र पुनर्वसन करण्यासाठी सरकारने आज प्रशासकीय मान्यता दिली. या कामांसाठी 200 कोटी रुपयांचा निधी मंजूर असून प्रशासकीय मान्यता मिळाल्याने आता या स्मारकाच्या विस्तारीकरणाला अधिक गती मिळणार आहे. पुणे शहरातील महात्मा फुले वाडा आणि क्रांतीज्योती सावित्रीबाई फुले या स्मारकांचे विस्तारीकरण करण्यासाठी भूसंपादन तसेच रहिवाशांचे पुनर्वसन या कामांसाठी 200 कोटी रुपयांचा निधी अर्थसंकल्पात मंजूर करण्यात आला आहे. स्मारकांच्या विस्तारीकरणासाठी भूसंपादन व रहिवाशांचे पुनर्वसन करण्यात येणार असून त्यानंतर फुले वाडा आणि सावित्रीबाई फुले स्मारक या दोन्ही स्मारकांना जोडण्यासाठी रस्ता करण्यात येणार आहे.
