समाजवादी पक्षाचे अध्यक्ष अखिलेश यादव यांनी अर्थसंकल्पीय अधिवेशनादरम्यान राष्ट्रपती द्रौपदी मुर्मू अभिभाषणावर प्रतिक्रिया देताना दिल्ली आणि नोएडामधील मेट्रो नेटवर्कवर टीका केली. ते म्हणाले की, हे सरकार राष्ट्रपतींना असे म्हणायला लावते की, जगातील सर्वात वेगवान मेट्रो रेल्वे विस्तार आपल्या देशात होत आहे, तरीही पंतप्रधान त्यांच्या स्वतःच्या संसदीय मतदारसंघात मेट्रो बांधू शकत नाहीत.
अखिलेश यादव म्हणाले की, “सरकार म्हणत आहे की, आपल्या देशात जगातील सर्वात वेगाने मेट्रोचा विस्तार होत असल्याचे सरकार म्हणत आहे. पण समाजवादी पक्षाने नोएडा ते ग्रेटर नोएडा असा रस्त्याचे बांधकाम केले, नोएडा ते दिल्लीला जोडणारी मेट्रो सपा सरकारच्या कार्यकाळात आली, त्यांनी कोणत्या येथे मेट्रोचे काम केले?”
उत्तर प्रदेशचे मुख्यमंत्री योगी आदित्यनाथ यांच्यावर निशाणा साधताना अखिलेश यादव म्हणाले की, “आपले लखनौचे मुख्यमंत्री खूप पुढे आहेत. ते रस्त्यांवर मेट्रोचे बांधकाम करत नाहीत, ते पाण्यावर मेट्रो बांधत आहेत. ते दावा करतात की, आपल्या देशात जगातील सर्वात मोठा मेट्रो विस्तार आहे, तरीही मुख्यमंत्री पंतप्रधानांच्या संसदीय मतदारसंघ असलेल्या वाराणसीमध्ये मेट्रो बांधू देत नाहीत.”
