मुंबईसह संपूर्ण महाराष्ट्रात कोरोनाचे रुग्ण वाढत आहेत. त्यात पुण्यातून एक बातमी समोर आली आहे. पुण्यातील सर्व 10 सांडपाणी प्रक्रिया केंद्रात कोरोना व्हायरस आढळले आहेत. CSIR- National Chemical Laboratory (NCL) ने याबाबत माहिती दिली आहे. NCL ने सांडपणी प्रक्रिया प्रकल्पातील पाण्याची चाचणी केली आहे. त्यानुसार जेव्हा कोरोनाची लाट येत होती तशी परिस्थिती निर्माण होत आहे. नवभारत टाईम्सने याबाबत वृत्त दिले आहे.
NCL चे मायक्रोबायोलॉजिस्ट डॉ. महेश धरणे म्हणाले की आता हळू हळू कोरोना वाढत आहे. परंतु सांडपाण्यात जे कोरोनाचे नमुने आढळले आहेत, त्यांच्या पॉझिटीव्हिटीचा स्तर हा पहिल्या लाटेच्या वेळचा होता तसाच आहे असे डॉक्टरांनी सांगितला आहे.
डॉ. महेश म्हणाले की कोरोना पसरण्यापूर्वी लक्षात येतं. पहिला नमूना 22 एप्रिलला पॉझिटिव्ह मिळाला होता. 6 मेपासून या सांडपाण्याच्या प्रक्रिया प्रकल्पात मध्ये SARS-CoV-2 RT-PCR चाचणीतून कोरोनाचे पॉझिटिव्ह रिझल्ट मिळत आहेत. याचा अर्थ पुण्यात कोरोना वाढतोय आणि आपण काळजी घेणे गरजेचे असल्याचे त्यांनी सांगितले आहे.
