चेहरा सुंदर दिसावा हे प्रत्येकाला वाटते. यासाठी अनेक जण महागड्या सौंदर्य प्रसाधनांवर खर्च करतात, परंतु केमिकलयुक्त क्रीममुळे काहींच्या चेहऱ्यांना नुकसान होते. त्यामुळे चेहरा काळवंडला जातो. चेहरा तजेलदार करण्यासाठी काही घरगुती उपाय आहेत.
हळद, बेसन पीठ आणि चंदन यांचे मिश्रण करून फेसपॅक चेहऱ्यावर लावल्यास चेहरा तजेलदार दिसू शकतो. झोपण्यापूर्वी टॉमेटो किंवा काकडीचे काप चेहऱ्यावर काही वेळ ठेवल्यावर चेहरा चमकदार दिसतो. कोरफडीचा गर चेहऱ्यावर लावल्यास महिनाभरात चेहरा खुललेला दिसेल.
