भारतीय कामगार सेनेच्या पाठपुराव्यामुळे ओलॅन ऑक्टिव्ह फार्मास्युटिकल इंग्रेडियंट्स, प्रा. लि.मध्ये भरघोस पगारवाढ झाली आहे. याबाबत भारतीय कामगार सेना आणि पंपनीमध्ये पगारवाढीचा करार करण्यात आला. या करारानुसार कर्मचाऱ्यांना 25 हजारांपासून 50 हजारांपर्यंत पगारवाढ झाली आहे.
भारतीय कामगार सेनेमुळे ही पगारवाढ मिळाल्याबद्दल कोकण औद्योगिक क्षेत्र आणि कामगारांमध्ये उत्साहाचे वातावरण आहे. भरघोस पगारवाढ मिळाल्यामुळे सर्व कामगारांनी भारतीय कामगार सेना आणि पंपनी व्यवस्थापनाचे आभार मानले आहेत. या पगारवाढीच्या करारावर भारतीय कामगार सेनेचे अध्यक्ष, शिवसेना नेते- खासदार अरविंद सावंत, भारतीय कामगार सेनेचे कार्याध्यक्ष अजित साळवी, संयुक्त सरचिटणीस दिलीप जाधव, संयुक्त सरचिटणीस उदय शेटय़े, सहचिटणीस संतोष कदम यांनी तर पंपनीच्या वतीने इंडिया हेड पांचाळ, मॅनेजर गीते, कामगार प्रतिनिधी सुनील शिंदे, चंद्रकांत सावंत, भगवान कदम, विठ्ठल मोरे, विवेक पुंभार, संदीप सावंत यांनी सह्या केल्या. भारतीय कामगार सेनेच्या केलेल्या पाठपुराव्यामुळे ही पगारवाढ झाल्याने कर्मचाऱ्यांमधून शिवसेनेचे आभार मानले आहे.
अशी आहेत कराराची वैशिष्टय़े
कमाल वेतनवाढ 25,200 रुपये करण्यात आली आहे. तर 15 वर्षे सेवा झालेल्यांना 25 हजार, 25 वर्षे सेवा झालेल्यांना 30 हजार आणि 30 वर्षे सेवा झालेल्यांना 50 हजारांपर्यंत पगारवाढ होणार आहे. तर रिटायरमेंट अॅवॉर्ड म्हणून 1.25 लाख रुपये मिळणार आहेत.
वैद्यकीय सुविधा
करारानुसार कर्मचाऱ्यांना भरघोस पगारवाढीव्यतिरिक्त वैद्यकीय सुविधादेखील मिळणार आहेत. पंपनीच्या मेडिकल पॉलिसीनुसार 40 वर्षांखालील कर्मचाऱ्यांना प्रतिवर्ष 2.50 लाख, तर 40 वर्षांवरील कर्मचाऱ्यांसाठी 5 लाख आणि मेडिकल रजा प्रतिवर्ष 20 दिवस मिळणार आहे.
