रेयर अर्थ एलिमेंट म्हणजेच दुर्मिळ धातूंच्या क्षेत्रातील चीनचा दबदबा कमी करण्याच्या दृष्टीने हिंदुस्थान एक पाऊल पुढे सरकत आहे. हिंदुस्थानला रेयर अर्थ मेटल्सचा खूप मोठा खजिना सापडला आहे. भविष्यातील हरित आणि डिजिटल दुनियेसाठी हे खनिज खूप जरुरी आहे. हिंदुस्थानला त्यासाठी आता चीनवर अवलंबून राहायची गरज नाही.
अरूणाचल प्रदेशामधील डोंगरांमधून दोन नद्या वाहतात. यापैकी एका नदीचे नाव पापुम आणि दुसऱ्या नदीचे नाव पारे आहे. आता या नद्या देशभरात चर्चेत आल्या आहेत. मुळात म्हणजे पापुम आणि पारे नद्यांमध्ये रेयर अर्थ मेटल्सचा मोठा खजिना सापडला आहे. खनिज मंत्रालयाने एक पुस्तक प्रकाशित केले असून यामध्ये त्यांनी स्पष्ट केले की, या भागात मोठय़ा प्रमाणात नियोडिमियम सापडले आहे. नियोडिमियम हे महत्वाचा घटक असून इलेक्ट्रॉनिक्समध्ये काम करते.
< रेयर अर्थ मेटल्सचा उपयोग मॅग्रेट तयार करण्यासाठी मोठय़ा प्रमाणात होतो आणि इलेक्ट्रिक वाहनांना मदत होते.
< पापुम आणि पारे अशा दोन्ही नद्यांमधून जर रेअर अर्थ मेटल्सचा खजिना काढण्यात आला तर पुणे, चेन्नई आणि दिल्ली गुडगाव शहरातील इलेक्ट्रिक व्हेइकल आणि ऑटोमोबाईल उद्योगाला एक मोठा आधार मिळेल आणि सर्वात महत्त्वाचे म्हणजे हिंदुस्थानला चीनवर अवलंबून राहण्याची गरज राहणार नाही. याचा फायदा थेट हिंदुस्थानला मोठय़ा प्रमाणात होऊ शकतो.
