ताजमहल पहायला गेलेल्या लातूरच्या पर्यटकाचा बुधवारी तेथेच मृत्यू झाला. ताजमहलच्या रॉयल गेटजवळ अचानक चक्कर येऊन जमिनीवर कोसळला. त्याला तात्काळ रुग्णालयात नेण्यात आले, मात्र डॉक्टरांनी त्याला मृत घोषित केले. शिवलिंग बबय्या स्वामी असे मयत पर्यटकाचे नाव आहे.
शिवलिंग हे कुटुंबासोबत ताजमहल पहायला आग्रा येथे गेले होते. बुधवारी दुपारी 1.15 वाजण्याच्या सुमारास ताजमहलच्या रॉयल गेटजवळ त्यांना चक्कर आली आणि ते जमिनीवर कोसळले. सीआयएसएफच्या टीमने तात्काळ त्यांना रुग्णालयात नेले. मात्र डॉक्टरांनी त्यांना मृत घोषित केले. शिवलिंग यांच्या मृत्यूचे नेमके कारण अद्याप कळू शकले नाही. शवविच्छेदन अहवाल आल्यानंतरच मृत्यूचे कारण कळू शकेल.
