मुंबईतील नवोदित आणि उदयोन्मुख शरीरसौष्ठवपटूंना हक्काचे व्यासपीठ देणारी ‘नवोदित मुंबई श्री’ स्पर्धा शनिवारी गोरेगाव पश्चिमेतील शास्त्राr नगर मैदानात होणार आहे. बृहन्मुंबई शरीरसौष्ठव संघटना व मुंबई उपनगर शरीरसौष्ठव व फिटनेस संघटनेच्या मान्यतेने आणि अजय विचारे यांच्या सहकार्याने आयोजित या स्पर्धेत 250हून अधिक खेळाडू सहभागी होणार असून प्रत्येक गटात 40 ते 50 स्पर्धक उतरणार आहेत, अशी माहिती संघटनेचे सरचिटणीस राजेश सावंत यांनी दिली
सात गटांत होणाऱया या स्पर्धेसाठी एक लाख रुपयांची रोख बक्षिसे जाहीर करण्यात आली असून प्रत्येक गटातील अव्वल पाच खेळाडूंना अनुक्रमे 5, 4, 3, 2 व 1 हजार रुपये, तर सर्वसाधारण विजेत्यास 15 हजार रुपये दिले जाणार आहेत.
