अटल सेतू, कोस्टल रोड आणि वांद्रे वरळी सेतूला जोडणारा शिवडी-वरळी कनेक्टरचे काम 60 टक्के काम पूर्ण झाले आहे. मात्र या प्रकल्पाअंतर्गत प्रभादेवी आणि परळ रेल्वे स्थानकांना जोडणारा पूल जुना झाल्यामुळे तोडण्यात येणार आहे. त्यामुळे रहिवासी, प्रवासी, रुग्ण, विद्यार्थी, नोकरदार यांची गैरसोय होऊ नये यासाठी एल्फिन्स्टन पुलाबरोबरच करी रोड आणि लोअर परळ पुलाला जोडणारा वेगळा समांतर असा पूल उभारण्यात येणार आहे, अशी माहिती उपमुख्यमंत्री एकनाथ शिंदे यांनी लेखी उत्तरात दिली.
एल्फिन्स्टनचा 125 वर्षे जुना ब्रिटिशकालीन उड्डाणपूल तोडून एमएमआरडीएकडून नवीन पूल बांधण्यात येणार आहे. हा पूल शिवडी-वरळी कनेक्टरचा एक भाग आहे. त्यामुळे परळ-प्रभादेवी, लोअर परळमध्ये यासह दक्षिण मुंबईत वाहतूककाsंडी वाढणार आहे. रहिवाशांची ही गैरसोय दूर करण्यासाठी सरकारने लालबाग-प्रभादेवी-लोअर परळला जोडणारा पूल बांधावा. शिवडी-वरळी जोडमार्ग प्रकल्पाला समांतर व करी रोड पूल तसेच पॅरोल पूल (प्रभादेवी स्थानक) यांच्या मध्ये असणाऱया लोअर परळ (डिलाईल) पुलाला जोडणारा नवीन पूल मुंबई महापालिका बांधणार आहे. या पुलासाठी एनटीसी मिलमधील जागेचे भूसंपादन करण्यासाठी एनटीसीचे ना-हरकत प्रमाणपत्र आवश्यक आहे. यासाठी राज्य सरकारने पेंद्र सरकारकडे पाठपुरावा करावा, अशी मागणी शिवसेना आमदार सुनील शिंदे यांनी 93 ची सूचना मांडून केली होती.
वस्त्रोद्योग मंत्रालयाकडे पाठपुरावा सुरू
हा पूल ना. म. जोशी मार्ग व गणपतराव कदम मार्ग जंक्शनपासून सुरू होऊन डॉ. बाबासाहेब आंबेडकर मार्ग व डॉ. अर्नेस्ट बोर्जेस मार्ग जंक्शन यांना जोडणार आहे. या पुलाचा पोहोच मार्ग एनटीसी मिलच्या जागेमधून प्रस्तावित आहे. दरम्यान, एनटीसी मिलच्या जागेचे भूसंपादन करण्यासाठी पालिकेकडून वस्त्राsद्योग मंत्रालयाकडे पाठपुरावा करण्यात येत आहे.
पर्यायी पुनर्वसनाला रहिवाशांचा विरोध
शिवडी-वरळी कनेक्टर प्रकल्पातंर्गत एलफिन्स्टन पूल तोडण्यात येणार असून त्याअंतर्गत दोन इमारती बाधित होणार आहेत, मात्र रहिवाशांनी म्हाडाने सुचवलेल्या आर्थिक आणि पर्यायी पुनर्वसनाला विरोध केला आहे. आहे त्याच ठिकाणी घरे द्या, किंवा त्या ठिकाणाहून एक किलोमीटरच्या आत पुनर्वसन करा तसेच मिळणाऱया वाढीव चटई क्षेत्राप्रमाणे आर्थिक मोबदला देण्याची मागणी केली आहे.
