प्रफुल्ल पटेल यांची अजित पवार गटाच्या राष्ट्रीय अध्यक्षपदी निवड, केंद्रीय मंत्री पियुष गोयल यांची माहिती

सामना ऑनलाईन
|
बातमी शेअर करा :
सामना फॉलो करा

अजित पवार यांच्या अकाली निधनानंतर अजितदादांची पत्नी सुनेत्रा पवार यांनी शनिवारी उपमुख्यमंत्रीपदाची शपथ घेतली. त्या राज्याच्या पहिल्या महिला उपमुख्यमंत्री ठरल्या आहेत. सुनेत्रा पवार यांची उपमुख्यमंत्रीपदी वर्णी लागल्यानंतर राष्ट्रवादी काँग्रेस अजित पवार गटाच्या राष्ट्रीय अध्यक्षपदी कुणाची वर्णी लागणार याकडे सर्वांचे लक्ष लागलेले असताना केंद्रीय मंत्री पियुष गोयल यांनी एक मोठे विधान केले आहे. प्रफुल्ल पटेल यांची राष्ट्रवादी काँग्रेस अजित पवार गटाच्या अध्यक्षपदी निवड झाल्याचा दावा एका मुलाखतीत केला आहे. यामुळे राज्याच्या राजकारणात एकच खळबळ उडाली आहे.

अजित पवारांच्या निधनानंतर दोन्ही राष्ट्रवादीच्या विलीनीकरणाच्या चर्चेला जोर आला. याबाबत विचारले असता पियुष गोयल म्हणाले की, मला तसे होताना दिसत नसून तसे काही होईल असेही वाटत नाही. राष्ट्रवादी काँग्रेस अजित पवार गटाचे नेतृत्व आधी अजित पवार यांच्याकडे होते, तर आता सुनेत्रा पवारांकडे आहे. प्रफुल्ल पटेल यांची राष्ट्रीय अध्यक्षपदी निवड करण्यात आली आहे.

प्रफुल्ल पटेल यांचा इनकार

दरम्यान, खासदार प्रफुल्ल पटेल यांनी हा दावा फेटाळून लावला आहे. राष्ट्रवादी काँग्रेस अजित पवार गटाच्या राष्ट्रीय अध्यक्षपदी माझी नियुक्ती झाल्याचे वृत्त माध्यमांमध्ये आल्याचे मी पाहिले. परंतु हे वृत्त निराधार असून यात कोणतेही तथ्य नाही, असे स्पष्टीकरण प्रफुल्ल पटेल यांनी एक्स पोस्ट करून दिले आहे.

पियुष गोयल यांनी व्यक्त केली दिलगिरी

दरम्यान, पियुष गोयल यांच्या विधानाने महाराष्ट्राच्या राजकारणात खळबळ उडाली. राष्ट्रवादी काँग्रेस अजित पवार गटाने प्रफुल्ल पटेल यांची राष्ट्रीय अध्यक्षपदी निवड झाल्याच्या वृत्ताला इनकार केला. यानंतर गोयल यांनी ट्विट करत दिलगिरी व्यक्त केली.

तटकरे आणि पटेलच सर्व ठरवतात, मला काहीच माहीत नाही; शरद पवारांनी स्पष्ट शब्दांत सांगितले

“एका ज्येष्ठ पत्रकाराने मला चुकीची माहिती दिली होती की, प्रफुल्ल पटेल यांची राष्ट्रवादी काँग्रेस अजित पवार गटाच्या अध्यक्षपदी निवड झाली आहे. या माहितीची शहानिशा न करता मी प्रसारमाध्यमांमध्ये काही विधाने केली होती. मात्र, नंतर ही माहिती चुकीची असल्याचे समोर आले असून, राष्ट्रवादी काँग्रेस अजित पवार गट उपमुख्यमंत्री सुनेत्रा अजित पवार यांच्या नेतृत्वाखालीच काम करत आहे. या दिशाभूल करणाऱ्या माहितीबद्दल मी दिलगिरी व्यक्त करतो”, असे ट्विट गोयल यांनी केले आहे.

संबंधित बातम्या या पब्लिशरकडून आणखी

रोहित शेट्टीच्या घराबाहेर गोळीबार, पाच संशयित आरोपी ताब्यात

Budget 2026-27 : शिक्षणासाठीचा बजेट अर्थसंकल्पाच्या अडीच टक्क्यांवरून थेट 0.9 टक्क्यांवर आणला, काँग्रेसची अर्थसंकल्पावर टीका

अजित पवार गटाबाबत पियुष गोयल यांचा दावा, काही वेळातच माघार घेत ‘यु टर्न’

25 हजार कोटींच्या सहकारी बँक घोटाळ्यात उपमुख्यमंत्री सुनेत्रा पवार यांच्यावर कायदेशीर चौकशी सुरूच; ईडीचा आक्षेप, प्रकरण न्यायालयात प्रलंबित

विल्सन जिमखान्यासाठी उद्या मोर्चा; परप्रांतीयांना क्रीडांगणे बळकावू देणार नाही; ‘आम्ही गिरगावकर’चा निर्धार

पियुष गोयल यांचा एक दावा अन् अजित पवार गटाची धावाधाव; तटकरे, प्रफुल्ल पटेल यांच्याकडून इन्कार

Budget 2026 – सर्वसामान्यांना दिलासा नाहीच, आयकर श्रेणीत कोणताही बदल नाही

Budget 2026-27 : नारळ, काजू, कोको आणि चंदन लागवडीला चालना; शेतकऱ्यांसाठी नव्या योजनांची घोषणा

Budget 2026 – निर्मला सीतारामन यांनी दीडतास केले भाषण…पण सर्वसामान्यांची झोळी रिकामीच