किक्रेट सामन्यादरम्यान षटकार मारताच फलंदाजाला हृदयविकाराचा झटका आल्याने त्याचा मैदानातच मृत्यू झाला. या घटनेमुळे सर्वांनाच धक्का बसला. हरजीत असे मयत तरुणाचे नाव आहे. या घटनेचा व्हिडिओ सोशल मीडियावर व्हायरल झाला आहे.
पंजाबमधील फिरोजपूर जिल्ह्यात ही दुर्दैवी घटना घडली आहे. स्थानिक क्रिकेट सामना सुरू होता. या सामन्यात हरजीत फलंदाजी करत होता. षटकार मारताच हरजीतला अस्वस्थ वाटू लागले आणि तो जमिनीवर कोसळला. मैदानावर उपस्थित खेळाडू आणि पंचांनी तात्काळ त्याच्याकडे धाव घेत सीपीआर दिला. मात्र त्यांचा हा प्रयत्न निष्फळ ठरला. हरजीतला मृत घोषित करण्यात आले.
