थंडीचा सीझन सुरु झाल्यानंतर आपल्याला विविध आजारांची चाहूल लागते. ही चाहूल लागताच आपण त्यावर उपाय करणे हे खूप गरजेचे आहे. थंडीच्या सीझनमध्ये मासे फार कमी प्रमाणात मिळतात. परंतु मासे हे आपल्या आरोग्यासाठी फार गुणवर्धक मानले जातात. आपल्या धावत्या जीवनशैलीत नानाविध आजारांना सामोरं जावं लागत आहे. यातलीच एकआजार म्हणजे ब्रेन स्ट्रोक. अलीकडे ब्रेन स्ट्रोकमुळे होणारे मृत्यू फार मोठ्या प्रमाणात वाढलेले आहेत. हे सर्व होण्यामागे आपला आहार हा कारणीभूत आहे. आहारातील योग्य बदल आणि प्रत्येक गोष्टींचं योग्य नियोजन केल्यास आपल्याला निरोगी राहण्यास नक्कीच मदत होईल.
आपल्या आहारामध्ये मासे समाविष्ट करणे हे खूप लाभदायक आहे. आहारामध्ये मासे खाल्ल्यास ब्रेन स्ट्रोकचा धोका मोठ्या प्रमाणावर कमी होतो. माशांमध्ये असलेल्या ओमेगा ३ फॅटी ऍसिड हे मेंदूच्या आरोग्यासाठी खूपच हितावह असल्याचे आता सिद्ध झालेले आहे. आठवड्यातून दोनदा मासे खाल्ल्यास पक्षाघाताचा धोकाही खूप मोठ्या प्रमाणावर कमी होतो.
मासे नियमित सेवन केल्यामुळे मेंदूशी संबंधित आजार (सेरेब्रोव्हस्कुलर डिसीज, किंवा व्हॅस्कुलर ब्रेन डिसीज) दूर राहतात.
मासे खाल्ल्याने हृदयरोग, स्ट्रोक आणि रक्ताच्या गुठळ्या होण्याचा धोका कमी होतो. तसेच मासे रक्तदाब आणि ट्रायग्लिसराइडची पातळीही कमी करू शकतात. मासे अल्झायमर रोगासह डिमेंशियाचा धोका कमी करण्यास मदत करतात.
कांद्याची साल केराच्या टोपलीत टाकण्याची चूक तुम्हीपण करताय का?
स्तनदा मातांसाठी बाळांच्या निरोगी दृष्टीसाठी मासे खाणे हे खूपच हितावह आहे. मुख्य म्हणजे सुरमई, बांगडा यासारखे मासे हे ओमेगा-३ फॅटी अॅसिडसह समृद्ध असतात. त्यामुळे आपल्या त्वचेसाठीही उत्तम मॉइश्चरायझर म्हणून काम करतात.
मासे दमा, मधुमेह आणि दाहक परिस्थितींमध्ये मदत करू शकतात
मासे जखमा बरे करण्यास, न्यूरोप्रोटेक्शन आणि हेपॅटोप्रोटेक्शनमध्ये मदत करू शकतात.
मासे खाण्यामुळे आपल्याला चांगली झोप लागण्यासही मदत होते.
एका संशोधनात्मक अभ्यासात असे आढळून आले की जे लोक जास्त मासे खातात त्यांना स्ट्रोकची लक्षणे कमी होती, तर दुसर्या अभ्यासात असे आढळून आले की माशांच्या सेवनाने रक्तवहिन्यासंबंधी मेंदूचे नुकसान होण्याची जोखीम लक्षणीयरीत्या कमी होती. तुम्ही आठवड्यातून दोन दिवसही मासे खाल्ले तर तुम्ही ब्रेन स्ट्रोकचा धोका टाळू शकता.
