स्टेट बँक ऑफ इंडिया (एसबीआय) ने मुदत ठेवींवर म्हणजेच एफडीच्या व्याजदरात 0.15 टक्के कपात केली आहे. बँकेच्या या निर्णयामुळे आता सामान्य नागरिकांना एसबीआय बँकेत एफडी केल्यास 3.05 टक्के ते 6.45 टक्क्यांपर्यंत व्याज मिळेल. नवीन व्याजदर 15 जुलै 2025 पासून लागू झाले आहेत. याआधीही एसबीआयने जून आणि मे महिन्यात सलग दोन वेळा व्याजदरात कपात केली आहे. आरबीआयने रेपो रेटमध्ये कपात करण्याचा निर्णय घेतल्यानंतर बँकांनी आपल्या एफडी व्याजदरात कपात केली आहे.
